தமிழ் முஸ்லிம் சகோதரர்கள்

1. அட்டாச்மென்ட்களுடன் குழுமத்துக்கு மடல் அனுப்பும் சகோதரர்கள் கண்டிப்பாக அதன் ஒரு காப்பியை tamilmuslimbrothers@gmail.com இந்த முகவரிக்கும் cc போட்டு அனுப்ப வேண்டும். அட்டாச்மென்டில் இருப்பவை என்ன என்று திறந்துப் பார்த்து மாடரேட் செய்ய இயலாததால் இந்தக் கோரிக்கை. tamilmuslimbrothers@gmail.com க்கு தனிமடல் அனுப்பப்படாத அட்டாச்மென்ட் மடல்கள் இனி குழுமத்தில் அனுமதிக்கப்பட மாட்டாது.
2. 'ஃபார்வர்ட் செய்யப்படும் மடல்களிலிருந்து மிக முக்கியமானவைகளாகக் கருதப்படும் மடல்களில் ஒரு நாளைக்கு 5 மடல்கள் மட்டுமே இனிமேல் குழுமத்தில் அனுமதிக்கப்படும்.
3. எந்த ஒரு தனி அமைப்பையோ தனி நபரையோ தரக் குறைவாக விமர்சிக்கப்படும் மடல்கள் கண்டிப்பாக மட்டுறுத்தப்படும்.
4. ஆக்கப்பூர்வமான தலைப்புகளில் ஆய்வு செய்யப்படும் மடல்களுக்கு அதிக முக்கியத்துவம் கொடுக்கப்படும்.
5. எந்த ஒரு அமைப்புக்கோ தனி நபருக்கோ விளம்பரம் தேடும் நோக்கில் வைக்கப்படும் மடல்கள் கண்டிப்பாக மட்டுறுத்தப்படும்.
6. சமகால சமுதாயம் எதிர்கொள்ளும் பிரச்சனைகளுக்குத் தீர்வு தேடும் முறையிலான ஆய்வுகளுக்கு அதிக முக்கியத்துவம் வழங்கப்படும்.
7. வேலைவாய்ப்பு குறித்தான மடல்களில் இயன்றவரை ஆய்வு செய்து, உண்மையானவை எனத் தெரியும் வேலைவாய்ப்பு அறிவிப்பு மடல்கள் மட்டுமே அனுமதிக்கப்படும்.
8. உதவிகள் தேடி வைக்கப்படும் மடல்களில், உரிய ஆவணங்கள் இல்லாத மடல்கள் கண்டிப்பாக மட்டுறுத்தப்படும்.
9. தமிழ்க முஸ்லிம் சமுதாயத்தில் இணக்கத்தையும் சகோதரத்துவத்தையும் அதிகரிக்கும் நோக்கில் செயல்படும் இக்குழுமத்தின் செயல்பாடுகளை மேலும் ஆக்கப்பூர்வமானதாக மாற்றத் தகுந்த ஆலோசனைகள், குழும சகோதரர்களிடமிருந்து வரவேற்கப்படுகின்றன.

சகோதரர்களிடையே இணக்கத்தையும் சகோதரத்துவத்தையும் அதிகரிக்கச் செய்யும் பொருட்டு, சகோதரர்களின் கருத்துகளும் உரையாடல்களும் அடங்கிய மடல்களுக்கு முக்கியத்துவம் வழங்கப்படும்.

தவறாமல் சகோதரர்கள் தங்களின் கருத்துகளைப் பதியுங்கள். நல்ல நோக்கத்தில் ஆரம்பிக்கப்பட்ட நமது இக்குழுமத்தைச் சமுதாயத்திற்கு உபயோகமானதாக மாற்ற உதவுங்கள். அல்லாஹ் அருள்புரிவான்.
- தமிழ் முஸ்லிம் சகோதரர்கள்.

tamilmuslimbrothers@googlegroups.com