சுற்றுலா பயணிகளை அதிகம் கவரும் அமீரகத்தின் ஃபுஜைரா மாகாணம்.

சுற்றுலா பயணிகளை அதிகம் கவரும் அமீரகத்தின் ஃபுஜைரா மாகாணம்.

ஐக்கிய அமீரகத்தின் வட மாகாணங்களில் ஒன்றாகவும், அமீரக கடல் மார்க்கத்தின் முதல் நுழைவு வாயிலாகவும், துபை நகரிலிருந்து சுமார் 135 கிலோ மீட்டர் துரத்தில் இருக்கும் ஃபுஜைரா தற்போது அதிகமதிகமாக சுற்றுலா பயணிகளை கவரும் விதத்தில் உள்ளது.

மலைகள் சூழ்ந்த ஒரு ரம்மியமான இயற்கையான அழகு சூழ்நிலையில் ஃபுஜைரா மாகாணம் இருப்பதால் அதனை காண பல வெளிநாட்டு பயணிகள் வந்துக்கொண்டு இருக்கிறார்கள். துபை நகருக்கு வரும் பல வெளிநாட்டு பயணிகள் அனைவரும் ஃபுஜைரா செல்ல வேண்டும் என்று விரும்புவதால், அங்கிருந்து கனரக வாகனங்களிலும் மற்றும் மென்ரக வாகனங்களிலும் இங்கு வந்து போகிறார்கள். அவர்கள் அங்கிருந்து வரும் போதே மலைகள் சூழந்த ஃபுஜைராவின் அழகினை ரசித்துக்கொண்டே வருகிறார்கள்.

இங்குள்ள துறைமுகத்திற்கு வெளி நாட்டு பயணி கப்பல்கள் முன்பு எப்போது இல்லாத அளவிற்கு அதிகம் வந்துக்கொண்டு இருக்கிறது என்பதினை துறைமுக பொறுப்பாளர்கள் கூறுகிறார்கள். அத்துடன் இத்துறைமுகத்தின் அனைத்து பணிகளையும் செய்யும் பொறுப்பினை துபை துறைமுக பொறுப்பு கழகம் (Dubai Port Authority) பல ஆண்டுகள் என்ற ஒப்பந்த அடிப்படையில் எடுத்துக்கொண்டுள்ளது. ஆகையால் கப்பல் வாணிபங்களும் அதிகரித்து விட்டது என்றும் அவர்கள் கருத்து தெரிவித்தனர்.

ஃபுஜைரா நகரின் மைய பகுதியில் பழங்கால அருட்காட்சியகமும் ஒன்றும், அதனை சுற்றி பழங்கால கோட்டை ஒன்றும் உள்ளது. இந்த அருட்காட்சியகத்தில் அரேபியர்கள் பழங்காலத்தில் பயன்படுத்திய அரியபொருட்களும் மற்றும் அதனை பற்றிய தகவல்களும் உள்ளன. சுற்றுலா பயணிகளுக்கு தேவையான அனைத்து தகவல் அடங்கிய கையடக்க நூல் இங்கு உள்ளது. இந்த இடமும் சுற்றுலா பயணிகளை மிகவும் கவர்ந்து உள்ளது.

ஃபுஜைரா - கொர்பகான் - திப்பா செல்லும் சாலை வழியில் "அல்பித்யா" என்ற கடற்கரை கிராமத்தில் கி.பி. 1446 வருடம் கட்டப்பட்ட புராதன பள்ளிவாசல் மிக முக்கியமான சுற்றுலா தலமாக விளக்குகிறது. இந்த பள்ளி வாசல் கட்டப்பட்டு ஏறக்குறைய 562 வருடங்கள் ஆகி விட்டது என்பதினை அங்குள்ள துபை அரசாங்கத்தின் அகழ்வாராய்ச்சி கல்வெட்டானது நமக்கு தெரிகிறது. இப்பள்ளியினை அக்கிராமத்தில் வாழ்ந்த மீனவர்களின் முஸ்லிம் தலைவர் ஒருவர் தொழுகைக்காக கட்டியதாக இக்கிராமத்தில் உள்ளவர்கள் கூறுகிறார்கள். பெண்கள் தொழுவதற்கும் தனியாக வசதியும் இங்கு செய்யப்பட்டுள்ளது. இதர மதத்தினர் அந்த பள்ளியின் புற பகுதியினை சுற்றி பார்க்கலாம். ஆனால் தொழுகை நடக்கும் இடத்திற்கு அனுமதி அளிப்பதில்லை. பள்ளியின் மற்றொரு புறத்தில் பழைமையான கோட்டையும் ஒன்றும் கட்டப்பட்டுள்ளது. அதன் மேல் ஏறி, அதன் துளைகள் வழியாக நம் கண்ணுக்கு எட்டிய தூரம் வரை பார்க்கலாம். அப்படி நாம் பார்க்கும் போது ஒரு பக்கம் கடலும், மற்றொரு பக்கம் மலைகளும், இன்னொரு பக்கம் இயற்கை நிலப்பரப்புகளையும் நாம் அழகாக ரசிக்கலாம். மற்றும் அதே பகுதியில் மலை அடிவாரத்திற்கு கீழ் நீரருவி ஒன்றும் மிக அழகாக உள்ளது. மலைக்கு அடியே இருப்பதால் அந்நீரானது மிகவும் குளிர்ச்சியாக இருக்கும். பல வெளிநாட்டினர் மற:றம் சுற்றுலா பயணிகள் வந்து அங்கு குளித்து விட்டு செல்கிறார்கள்.

அமீரகத்தின் மற்ற பகுதியிலிருந்து, கொர்பகான் கடற்கரை பகுதிக்கு மாலை நேரங்களில் பல குடும்பங்கள் சாப்பாடு செய்து சாப்பிடுவதற்கு வசதியாக பல சமையல் பொருட்களை கொண்டு வந்து விடுவார்கள். இவர்கள் இல்லம் திரும்பி செல்வதற்கு இரவு குறைந்தது 11 மணி ஆகிவிடும். அது வரை அவர்கள் அங்கு தான் குடும்பத்துடன் தங்கி ஜாலியாக இருப்பார்கள். கொர்பகான் பகுதியானது ஷார்ஜா அரசாங்கத்தின் கட்டுப்பாட்டில் உள்ளது என்பது குறிப்பிடத்தக்கது. அது போல் கல்பா என்ற கடற்கரை பகுதியிலும் பல சுற்றுலா பயணிகள் வந்து போகிறார்கள். அதுவும் ஷார்ஜா அரசாங்கத்தின் கட்டுப்பாட்டில் தான் உள்ளது. இருந்தாலும் இந்த சுற்றுலா தலத்திற்கு வருகை தரும் அனைத்து பயணிகளும் ஃபுஜைராவினை மாகாணத்தினை கடந்து தான் செல்ல வேண்டும். கல்பா - ஷார்ஜா தரை மார்க்கமாக செல்லும் பல பயணிகள் 30 கிலோ மீட்டர் சுரங்க வழி சாலைப்பாதையினையும் பார்த்து ரசித்து விட்டு செல்வார்கள்.

ஃபுஜைரா கடற்கரை பகுதியில் வெள்ளிக்கிழமை மாலை வேளைகளில் காளை மாட்டு சண்டையானது மிகவும் பிரபலமானது. இங்குள்ள அரேபியர்கள் வளர்க்கும் காளை மாட்டினை இங்கு கொண்டு வந்து ஒரு குறிப்பிட்ட நேரத்தில் சேர்ப்பார்கள். எந்த காளை மாடு பலம் வாய்ந்தாக இருக்கும் என்பதினை காளை மாட்டு சண்டையில் தெரிந்து விடும். அந்த மாட்டினை அதிகம் விலை கொடுத்து வாங்குவதற்கு மற்ற அரேபியர்கள் போட்டி போடுவார்கள். இதனை காண மற்ற நாடுகளிலிருந்து குறிப்பாக ஓமன், மஸ்கட் இங்கிருந்து பல பேர்கள் வருவார்கள். இதனை ஒலி ஒளி படம் எடுக்க பல வெளி நாட்டினர் வந்து விடுவார்கள்.

ஃபுஜைரா நகரானது, தற்போது துபை நகரில் கட்டப்பாட்டு வரும் பல அடுக்கு மாடி குடியிருப்பு கட்டங்களை போலவும், பல வசதிகளை கொண்ட வணிக வளாகங்களையும், உணவு விடுதிகளையும் கட்டும் பணிகளை மேற்கொண்டு வருகிறது என்பதினை பற்றி இங்குள்ளவர்கள் கருத்து தெரிவிக்கிறார்கள்.

தகவல் : முத்துப்பேட்டை – அபூ ஆஃப்ரின்

குற்றாலம்

குற்றாலம்

குற்றாலம் அருவி தென் தமிழகத்தில் திருநெல்வேலி மாவட்டத்தில் மேற்கு தொடர்ச்சி மலையில் அமைந்துள்ளது. இது சிற்றாறு மணிமுத்தாறு, பச்சையாறு மற்றும் தாமிரபரணி ஆகிய ஆறுகளின் பிறப்பிடமாகும். குற்றால அருவிக்கரையில் குற்றால நாதர் (சிவன்) சன்னதி உள்ளது.



குற்றாலம் தென்காசியில் இருந்து 6 கிலோ மீட்டர் தொலைவிலும், திருநெல்வேலியில் இருந்து 40 கிலோ மீட்டர் தொலைவிலும், கன்னியாகுமரியிலிருந்து 137 கிலோமீட்டர் தொலைவிலும், திருவனந்தபுரத்திலிருந்து 112 கிலோமீட்டர் தொலைவிலும், மதுரையில் இருந்து 160 கிலோ மீட்டர் தொலைவிலும் அமைந்துள்ளது. குற்றாலத்தின் அருகே (86 கிலோமீட்டர்) அமைந்துள்ள விமான நிலையம் தூத்துக்குடி விமான நிலையமாகும். தென்காசி தொடர்வண்டி நிலையம் குற்றாலத்தின் அருகே அமைந்துள்ள தொடர்வண்டி நிலையமாகும்.



தென்மேற்கு பருவகாலம் ஆரம்பித்தவுடன் குற்றால அருவியில் நீர் ஆர்ப்பரித்து விழுத்தொடங்கும். ஜூன், ஜூலை, ஆகஸ்டு மாதங்கள் "குற்றால சீசன்" என அழைக்கப்படுகிறது.


குற்றாலத்தில் மொத்தம் ஒன்பது அருவிகள் அமைந்துள்ளன.


1. பேரருவி - இது பொதுவாக குற்றால அருவி என அழைக்கப்படுகிறது. இது 288 அடி உயரத்தில் இருந்து பொங்குமாங்கடல் என்ற ஆழமான ஒரு துறையில் விழுந்து பொங்கி பரந்து விரிந்து கீழே விழுகிறது.


2. சிற்றருவி - இது நடந்து செல்லும் தூரத்தில் பேரருவிக்கு மேல் அமைந்துள்ளது.


3. செண்பகாதேவி அருவி - பேரருவியில் இருந்து மலையில் 2 கி.மீ. தூரம் நடைப்பயணத்தில் செண்பகாதேவி அருவியை அடையலாம். இந்த அருவி தேனருவியிலிருந்து இரண்டரை கி.மீ. கீழ்நோக்கி ஆறாக ஓடி வந்து 30 அடி உயரத்தில் அருவியாக கொட்டுகிறது. அருவிக்கரையில் செண்பகாதேவி அம்மன் கோவில் உள்ளது. சித்ரா பவுர்ணமி நாளில் இந்த கோவிலில் சிறப்பான விழா கொண்டாடப்பட்டு வருகிறது.



4. தேனருவி - செண்பகாதேவி அருவியின் மேல் பகுதியில் உள்ளது. இந்த அருவி அருகே பல தேன்கூடுகள் அமைந்துள்ளதால் இந்த இடம் அபாயகரமானது. இந்த அருவிக்கு சென்று குளிப்பது தடை செய்யப்பட்டுள்ளது.



5. ஐந்தருவி- குற்றாலத்தில் இருந்து சுமார் 5 கி.மீ., தூரத்தில் உள்ளது. திரிகூடமலையின் உச்சியில் இருந்து 40 அடி உயரத்திலிருந்து உருவாகி சிற்றாற்றின் வழியாக ஓடிவந்து 5 கிளைகளாக பிரிந்து விழுகிறது. இதில் பெண்கள் குளிக்க ஒரு அருவி கிளைகளும், ஆண்கள் குழந்தைகளுக்கு 3 கிளைகளும் உள்ளன. இங்கு சபரிமலை சாஸ்தா கோயிலும், முருகன் கோயிலும் உள்ளது.



6. பழத்தோட்ட அருவி (வி.ஐ.பி. பால்ஸ்)- இது ஐந்தருவியில் இருந்து 3 கி.மீ. தொலைவில் உள்ளது. இங்கு முக்கிய பிரமுகர்களுக்கு மட்டும்தான் குளிக்க அனுமதி உண்டு.



7. புலி அருவி - குற்றாலத்தில் இருந்து சுமார் 2 கி.மீ., தொலைவில் உள்ளது. இந்த அருவிக்கு பாசுபத சாஸ்தா அருவி என்ற மற்றொரு பெயரும் உண்டு.



8. பழைய குற்றாலம் அருவி - குற்றாலத்தில் இருந்து கிழக்கு பகுதியில் சுமார் 4 கி.மீ., தொலைவில் அழகனாற்று நதியில் அமைந்துள்ளது. சுமார் 100 அடி உயரத்திலிருந்து இந்த அருவியில் தண்ணீர் விழுகிறது.



9. பாலருவி - இது தேனருவி அருகே அமைந்துள்ளது.


படகு குழாம் : குற்றாலத்திலிருந்து ஐந்தருவி செல்லும் சாலையில் தமிழ்நாடு சுற்றுலாதுறை சார்பில் வெண்ணமடை என்ற குளத்தில் படகு குழாம் அமைக்கப்பட்டுள்ளது.

மீன் காட்சியகம் : குற்றாலம் மெயின் அருவிக்கு செல்லும் பாதையில் ரூ.9.35 லட்சம் செலவில் வண்ண மீன்கள் அருங்காட்சியகம் அமைக்கப்பட்டுள்ளது. இந்த அருட்காட்சியகத்தில்வெல்வெட் துணி மீன்கள், நியான் விளக்கு மீன்கள், தேவதை மீன், வெண் விலாங்கு மீன், தலைகீழ் கெழுத்தி மீன்கள், தங்க தகடு மீன்கள் என 25க்கும் மேற்பட்ட மீ்ன்கள் அமெரிக்கா, பிரேசில், இந்தோனேசியா, சீனா போன்ற நாடுகளிலிருந்து இறக்குமதி செய்யப்பட்டு இங்கு வைக்கப்பட்டுள்ளது.

சித்திர சபை : இந்த சபையில் மூலிகைகளின் சாறு கொண்டு பலநூறு ஆண்டுகளுக்கு முன் வரையப்பட்ட ஓவியங்கள் பாதுகாக்கப்பட்டு வருகின்றன.

தொல்பொருள் ஆய்வகம்: பேரரூவிக்கும், திருக்குற்றால நாதர் திருதலத்திற்கும் செல்லும் வழியில் தொல்பொருள் ஆய்வகம் உள்ளது. இங்கு பல்வேறு விதமான பழங்கால சுவடிகள், சிலைகள், மண்பானைகள், தாழி, ஆயுதங்கள், பாதுகாக்கப்பட்டு வருகின்றன.

விடுதிகள்: அரசு விடுதிகள் 6 (182 அறைகள்) மற்றும் தனியார் விடுதிகள் 120க்கும் மேல் உள்ளது. இது போக குடும்பத்துடன் தங்குவதற்கு வீடுகள், தின வாடகைக்கு இங்கு கிடைக்கும்.

துபாய் பூகோள கிராமம் - சில காட்சிகள்

http://www.dinamalar.com/nri/Country-detailnews.asp?lang=ta&news_id=1951&Country_name=Gulf&cat=new


சுற்றுலாப் ப‌ய‌ணிக‌ளைக் க‌வ‌ர்ந்து வ‌ரும் துபாய் பூகோள‌ கிராம‌ம்

துபாயில் வ‌ருட‌ந்தோறும் ந‌டைபெறும் விற்ப‌னைத் திருவிழாவினையொட்டி பூகோள‌ கிராம‌ம் ப‌ல்வேறு நாடுக‌ளின் க‌லை, க‌லாச்சார‌த்தை நினைவு கூறும் வ‌ண்ண‌ம் 1996 ஆம் ஆண்டு ஆர‌ம்பிக்க‌ப்ப‌ட்ட‌து.

ஆர‌ம்ப‌த்தில் த‌ற்காலிக‌ இட‌த்தில் செய‌ல்ப‌ட்ட‌ பூகோள‌ கிராம‌ம் த‌ற்பொழுது துபாய்லேண்ட் ப‌குதியில் 17.2 மில்லிய‌ன் ச‌துர‌ அடி ப‌ர‌ப்பில் நிர‌ந்த‌ர‌மாக‌ அமைக்க‌ப்ப‌ட்டுள்ள‌து.
இதில் இந்தியா, பாகிஸ்தான், நேபாள‌ம், ப‌ங்காளாதேஷ், இல‌ங்கை, ஆப்கானிஸ்தான், எகிப்து, ச‌வுதி அரேபியா, க‌த்தார், லெப‌னான், சிரியா, கிழ‌க்கு ஆசிய‌ நாடுக‌ள், ஐரோப்பிய‌ நாடுக‌ள் உள்ளிட்ட‌ ப‌ல்வேறு நாடுக‌ள் இதில் அர‌ங்குக‌ளை அமைத்துள்ள‌ன‌.

இந்த‌ அர‌ங்குக‌ளில் அந்த‌ந்த‌ நாடுக‌ளின் க‌லை நிக‌ழ்ச்சிக‌ள், பொருட்க‌ள் உள்ளிட்ட‌வை அனைவ‌ரையும் க‌வ‌ரும் வ‌ண்ண‌ம் விள‌ங்கி வ‌ருகிற‌து.

குழ‌ந்தைக‌ள் விளையாட்டு அர‌ங்கு, இந்திய‌ உண‌வுக் கூட‌ம், நீர் சாக‌ச‌ விளையாட்டு, ச‌ர்வ‌தேச திருக்குர்ஆன் விருது வ‌ழ‌ங்கும் அமைப்பின் அர‌ங்கு உள்ளிட்ட‌வை பார்வையாள‌ர்களை வெகுவாக‌க் க‌வ‌ர்ந்து வ‌ருகிற‌து.

க‌ட‌ந்த‌ வ‌ருட‌ம் ஐந்து ரூபாயாக‌ இருந்த‌ நுழைவுக் க‌ட்ட‌ண‌ம் இவ்வாண்டு பத்து ரூபாய் வ‌சூலிக்க‌ப்ப‌டுகிற‌து. மாலை நான்கு ம‌ணி முத‌ல் ந‌ள்ளிர‌வு வ‌ரை இப் பூகோள‌ கிராம‌ம் பார்வையாள‌ர்க‌ளுக்கு திற‌ந்து வைக்க‌ப்ப‌டுகிற‌து.

எதிர்வ‌ரும் பிப்ர‌வ‌ரி 21 ஆம் தேதி வ‌ரை இப்பூகோள‌ கிராம‌ம் செய‌ல்ப‌டும்

ஓமன்

ஓமன் சுற்றுலாத்துறை

www.omantourism.gov.om
info@omantourism.gov.om


www.omanrealestate.org


பத்திரிகை

www.timesofoman.com

புஜைரா வாரந்திர மாட்டுச் சண்டை

ஐக்கிய அரபு அமீரகத்தின் புஜைராவில் வாரந்தோறும் வெள்ளிக்கிழமைகளில் மாட்டுச்சண்டை நடைபெற்று வருகிறது.

இது சுற்றுலாப் பயணிகளை பெரிதும் கவர்ந்து வருகிறது.