சிறுகதை : வாழ்க்கையின் விலை ( பா.பாத்துமுத்து – திருமங்கலம் )

சிறுகதை : வாழ்க்கையின் விலை ( பா.பாத்துமுத்து – திருமங்கலம் )

முஸ்தாக் இருதலைக் கொள்ளி எறும்பு போல் தவித்துக் கொண்டிருந்தான்.

உண்ட வீட்டுக்கு இரண்டகம் பண்ணி விட்டோமே என மனம் துடியாய் துடித்தது. யா அல்லாஹ்! வேறு வழியே தெரியவில்லையே. தங்கை ரஷிதா வாழ வேண்டுமே எனப் புலம்பினான். கண்களில் கண்ணீர் பெருக்கெடுத்து ஓடியது.

முஸ்தாக் பத்தாவது வரை மட்டுமே படித்திருந்தான். குடும்பச் சுமையின் காரணமாக படிக்க ஆசை இருந்தும் அவனால் மேலே படிக்க முடியவில்லை.

ரசாக் பாயின் மளிகைக் கடையில் சிறு வயது முதலே வேலை பார்த்து வந்தான். ரசாக் பாயும், அவர் மனைவி அஜீஜாவும், முஸ்தாக்கை பெற்ற பிள்ளை போல் பார்த்துக் கொண்டார்கள்.

ரசாக் பாயின் வீட்டுக்குள் சுதந்திரமாக சென்று வரும் உரிமை முஸ்தாக்கிற்கு மட்டுமே உண்டு. ரசாக் பாயின் பிள்ளைகள் சல்மானும், சுலைமானும் முஸ்தாக்கிடம் அண்ணே, அண்ணே என்று அன்பாகப் பழகினர்.

முஸ்தாக்கிற்கு அம்மாவும், தங்கையும் மட்டுமே உண்டு. வாப்பா இல்லை. முஸ்தாக் கொண்டு வரும் வருமானமும், தீப்பெட்டி ஒட்டும் வருமானமும் மூவருக்கும் இரண்டு வேளை கஞ்சி குடிக்க போதுமானதாக இருந்தது.

இந்த நிலையில் ரஷிதாவுக்கு பதினைந்து பவுன் நகை போடுவதாகப் பேசி பக்கத்து ஊர் இஸ்மாயிலுக்கு மணமுடித்துக் கொடுத்தார்கள். தாயின் பழைய நகை பத்துப் பவுனைப் போட்டு ஐந்து பவுன் நகை ஆறுமாதம் கழித்துப் போடுவதாகப் பேச்சு. திருமணம் முடிந்து ஒரு வருடம் ஆகி விட்டது.

ரஷிதா பத்து நாளைக்கு முன் கண்ணை கசக்கிக் கொண்டு பெட்டியுடன் ஊர் வந்து சேர்ந்தாள். “என்னம்மா ரஷிதா, தீடீர்னு மச்சான் வரல்லையா?”

அண்ணே, ஐந்து பவுன் நகை வாங்கிட்டுத்தான் ஊருக்கு வரணும்னு என் மாமியார் என்னை துரத்தி விட்டுட்டாங்க.

ஏம்மா மச்சானுக்கு நம்ம நெலமைத் தெரியாதா?

தெரிஞ்சு என்னண்ணே பிரயோஜனம்? என்னை நகை வாங்கிட்டு வா. இல்லைன்னா நகைக்கு உரிய பணத்தை யாவது வாங்கிட்டு வான்னு மாட்டை அடிக்கிற மாதிரி அடிக்கிறாரு எனத் தேம்பி தேம்பி அழுதாள்.

முஸ்தாக்கின் இரத்தம் கொதித்தது. பொண்டாட்டிய வச்சு குடும்பம் நடத்த வக்கில்லை. மாமியார் வீட்டுலேயே புடுங்கணும்னு நெனைக்கிற இவனெல்லாம் ஆம்பிளை எனக் காறி உமிழ்ந்தான்.அதே மனக் கசப்புடன் வேலைக்குச் சென்றான்.

அங்கே அஜீஜா, ஏய் முஸ்தாக், இங்க வாப்பா அஞ்சு பவுன்ல நெக்லஸ் வாங்கி இருக்கேன். முதலாளி டிசைன் நல்லா இல்லைன்னுட்டாரு. நீ பார்த்துச் சொல்லுப்பா நல்ல இருக்கா,இல்லையான்னு.

சூப்பரா இருக்குமா, நீங்க கழுத்துல போட்டா இன்னும் அழகாயிரும். அஜீஜா கணவனை பார்த்து கேட்டுக்கங்க.

அவன் நீ என்ன செஞ்சாலும் சரின்னுதான் மாடு மாதிரி தலையாட்டுவான். அவன் உன்னோட செல்லப் புள்ளையாச்சே!

உங்களுக்குப் பொறாமை தாயும் புள்ளையும் ஒண்ணாப் பேசுறதைப் பாத்து

இப்படி தாயும், தந்தையுமா பழகுறவுங்க வீட்டில் இருந்து முஸ்தாக், அஜீஜா ஆசையாய் வாங்குன நெக்லஸைத் திருடி விட்டான்.

மனம் வெட்டி போட்ட பல்லியின் வாலாய் துடித்தது.

ஆனாலும் மனதை கல்லாக்கிக் கொண்டு தங்கையின் கையில் கொடுத்து கடன் வாங்கி இந்த நெக்லஸை வாங்கினேன் எனப் பொய் சொல்லி ஊருக்கு அனுப்பி வைத்தான்.

யா அல்லாஹ்! இந்த வரதட்சணை கொடுமை என்றுதான் மறையுமோ? இதனால் பாவங்களுக்கு ஆளாகி வேதனைத் தீயில் வாடிகிறோமே! நான் செய்த நம்பிக்கைத் துரோகத்தை நீயும் உரியவர்களும் மன்னிப்பார்களா? என்று புலம்பித் தள்ளினான்.

அன்று முதல் சிரிப்பை தொலைத்து விட்டு நடை பிணமாக நடமாடினான்.

ரசாக் பாய் நல்ல உள்ளத்துடன் முஸ்தாக் நீ ஏண்டா இப்புடி உம்முன்னு இருக்க, அம்மா ஆசையா வாங்குன நகை தொலைஞ்சு போச்சுன்னா அவ எங்கயாவது ஞாபக மறதியா கழட்டி வச்சுருப்பா இல்லைன்னா கொக்கி கழண்டு எங்கயாவது கீழ விழுந்திருக்கும். நீ கவலைப்படாதடா என உண்மை தெரியாமல் ஆறுதல் சொன்னார். அன்பான இந்த ஆறுதல் வார்த்தைகளைக் கேட்டு மேலும் அனலில் இட்ட புழுவாய்த் துடித்தான். நிம்மதியில்லாமல் தவித்தான். நாட்கள் சென்றன.

ஒரு கல்யாண வீட்டில் தற்செயலாக ரஷிதாவின் கழுத்தில் நகையைப் பார்த்த அஜீஜா திகைத்துப் போனாள்.

ஏம்மா ரஷிதா இந்த நெக்லஸ் ரொம்ப அழகா இருக்கே எங்கேம்மா வாங்குன?

அஜீஜா நகையை கழட்டி வாங்கி திருப்பி திருப்பி பார்த்தாள்.

நான் வாங்கலைம்மா அண்ணன் தான் வாங்கிக் குடுத்தாங்க.

அஜீஜாவிற்கு உண்மை புரிஞ்சு போச்சு. பந்தலில் உட்கார்ந்திருந்த கணவனை அழைத்து உண்மையை விளக்கினாள்.

அப்புடிச் சொல்லாதம்மா அவன் ரொம்ப நல்லவன்.

இல்லைங்க இது என் நெக்லஸ்தான். நான் வாங்குன கடை முத்திரை அதுல இருக்கு. என்னால ஒரு நிமிஷம் கூட இங்க இருக்க முடியாது. வாங்க வீட்டுக்குப் போவோம். அவனை கூப்பிட்டு விசாரிப்போம்.

அங்கே ரசாக் பாய் முஸ்தாக்கை அழைத்து, முஸ்தாக் அல்லாஹ்வின் மேல் ஆணையா கேக்கிறேன். நீ தப்பு செய்தியா?

வாப்பா, என்னை மன்னிச்சுருங்க, என்னோட தங்கச்சி வாழணும்கிற ஆசையில தப்பு செய்திட்டேன். இந்த பாவ காரியத்தால தினம், தினம் நிம்மதியில்லாம செத்துக்கிட்டு இருக்கேன். இப்படிப்பட்ட என்னைய சோறு போட்ட உங்க கையாலேயே அடிச்சு கொன்னுருங்க என்று பதறித் துடித்து அழுதான்.

விபரங்களை கேட்டறிந்த ரசாக் பாய் கண்கள் கலங்க வரதட்சணை என்கிற பேய் ஒரு நல்லவனை எப்படி திருடனா மாத்தியிருக்கு பாத்தியா! யா அல்லாஹ் இது என்ன கொடுமை! இது மாதிரி எத்தனையெத்தனை நல்லவர்கள் தவறிழைத்து விட்டு துடிக்கிறார்களோ? எத்தனையெத்தனை குடும்பங்கள் கடனில் மூழ்கி நாதியற்று நடுத்தெருவில் தவித்து வருகிறார்களோ? பாழாய் போன இந்த வரதட்சணை பழக்கம் எப்படி மார்க்கத்தில் புகுந்தது? ஆமாம்! இதற்கு எதாவது ஒரு வழி செய்தாகனும். டேய் முஸ்தாக்! நீ செய்த இந்த தவறை நாங்க மன்னிக்கனுமா- வேண்டாமா? சொல்லு

அல்லல்லா – இப்படி சொல்லாதீங்க வாப்பா, நீங்க மன்னிச்சாதான் அல்லாஹ்வும் என்னை மன்னிப்பான் என்று மனசு வெடிக்கக் கதறினான்.

அப்போ நான் சொல்வதை செய்வீயா?

நீங்கள் என்ன சொன்னாலும் சரி அப்படியே செய்வேன் என்றான் விம்மியபடி.

அப்படியா! நீ கல்யாணம் செய்தால் பெண் வீட்டாரிடம் வரதட்சணை வாங்க மாட்டேன் என்று சத்தியம் செய். அது மட்டுமல்ல உன் வயிற்று பிள்ளைக்கும் வரதட்சணை வாங்குவதோ கொடுப்பதோ செய்ய மாட்டேன் என்று உறுதி அளித்தால்தான் நாங்கள் உன்னை மன்னித்து விடுவோம். என்ன சரிதானே?

திடுக்கென்று எழுந்து வல்ல நாயன் மீது ஆணை ! இந்த வரதட்சணை கொடுமையை அனுபவ பூர்வமாக அனுபவித்து துடித்தவன் நான். இந்த கொடுமை யாருக்கும் வேணாம். நானோ எனது பிள்ளைகளோ வரதட்சணை வாங்காமல், மஹர் கொடுத்து திருமணம் செய்து நபி (ஸல்) அவர்கள் வழியில் இல்லறத்தை நல்லறம் ஆக்குவேன் வாப்பா என்று கதறியவாறு வாப்பாவை இறுக அணைத்துக் கொண்டான். அங்கே ஒரு புதிய சகாப்தம் தொடங்கியது.

நன்றி : நர்கிஸ் – ஏப்ரல் 2009

குறையில்லா மார்க்கத்தின் உயிர் ஜீவனே!

குறையில்லா மார்க்கத்தின் உயிர் ஜீவனே!

எங்கள் வாழ்வும், வளமும் செழித்திட
மறையாய் வந்த அல்புர்கானே!
திரு மறையாய் வந்த அல் குர் ஆனே!
உன்னை வாழ்த்திடும் மனதினில் நிறைந்தவன்
அருட் கொடை தந்த ரஹ்மானே
(வேறு)

உன்றன் உள்ளே முழுதும் எண்ணங்கள் கோடி
எங்கள் உள்ளம் முழுதும் கொண்டாடும் கூடி
(வேறு)

அள்ளித்தான் குறையாது; சொல்லித்தான் முடியாது
கல்விக்கும் கேள்விக்கும் தாயகமாய் உண்டானது!
(வேறு)

கலைஞானக் கதிரே உன் வரவாலேதான் – எங்கள்
கலை ஞானக் கதிரே உன் வரவாலேதான் – இந்த
உலகடைந்த மகிமைக்கு அளவு முண்டோ? – என்றும்
நிலையாக ஒளி வீசி இருளகற்றியே – நல்ல
நெறிமேவும் வாழ்க்கைக்கு வழியாகினாய்!
கடலாகக் கருச் செல்வம் அமைந்தோங்கவே – ஞானக்
கடலாகக் கருச் செல்வம் அமைந்தோங்கவே – உன்றன்
கருவூலம் ஆராய்வுக் கரிதானதே – எங்கும்
மடம் நீங்கி மதி ஓங்கச் சுடரேற்றவே – மனம்
குணத்தோடு மணம் வீசும் மலராகுமே!
(வேறு)
உன்னை இறைவன் அளித்தான் மறையாகத்தானே
நீயே உயர்ந்து நின்றாய் கதிராக வானில்!
(வேறு)
எண்ணத்தான் இயலாது எண்ணித்தான் முடியாது
விண்ணுக்கும், மண்ணுக்கும் விதியாக வந்ததிது
(வேறு)
உறையுள்ளே மறைந்துள்ள கூர்மையிங்கே – உந்தன்
உறையுள்ளே மறைந்துள்ள கூர்மையிங்கே – கசடை
உடைத்தெறிந்து தூய்வாக்கி அறங்காக்குமே – எந்தத்
துறையேனும் எப்பொருளும் எக்கேள்வியும் –இங்கு
அருளார்ந்து மெய்ப் பொருளில் தெளிவாகுமே

அறந்தாங்கி நெறிமேவிப் பண்போடுதான் – உயர்
அறந்தாங்கி நெறிமேவிப் பண்போடுதான் – நல்ல
அறிவார்ந்து நேர்மையுடன் ஒழுக்கந்தரும் – உன்றன்
ஹர்பு(க்)கள் ஒவ்வொன்றும் உலகளந்திடும் – அதன்
அர்த்தங்கள் புலனுக்கு வியப்பாகுமே
(வேறு)
உந்தன் வரவால் பாலையில் வீசியது தென்றல்;
காற்றில் சுகந்தம் மணந்தது; விலையுயர்ந்தது
அரபுமண் !
(வேறு)
அகக் கண்கள் திறந்து விட்டு அஞ்ஞானம் அறுத்தெறிந்து
சுக வாழ்வில் இசையாகப் பண்ணாக வந்தானது !
(வேறு)
ஒரு மறைவான இறை மீது ஈமான் கொண்டோம் – அந்த
இறையோனின் மறை மீதில் பற்றைக் கொண்டோம் – அரும்
மறையோதும் இன்பத்தில் மனநிம்மதி – அது
புரியாது படித்தாலும் பெரும் பாக்கியமே

பெரும்மறைபொருளை நிறைத்திருந்து பெயராகினாய் – அந்த
இறை தவிர்த்துன் புதை பொருளை யாரறிவது?
ஒரு குறையில்லா மார்க்கத்தின் உயிர் ஜீவனே – உன்னால்
குவலயத்தில் நிமிர்ந்ததெங்கள் சமுதாயமே !
(வேறு)
உன்னை ஏந்திய ஜிப்ரயீல் பெரும் பாக்கியம் அடைந்தார்
தாங்கிய ஏந்தல் முஹம்மது அரும் புனிதம் அடைந்தார்
(வேறு)
பெற்றவனின் பரிசாகப் பார் மணக்கும் மலராகப்
பெற்றிட்டோம், பேறடைந்தோம், கற்றிற்றோம்,
களிப்படைந்தோம்
(எங்கள் வாழ்வும், வளமும்…)




ஓதுங்கள் ! ஓதுங்கள் !

ஓதுவீராக ! ஓதுவீராக !

உம்மியான முஹம்மதிடம் உத்தமர்கோன் ஜிப்ரயீல்தாம்
ரம்மியமாய் எடுத்து வைத்த அடிப்படைக்கல் !

ஓதுவீராக ! ஓதுவீராக !

பேரிருளைக் கிழித்தெறிந்து உலகுயர அஹமதரைத்
தேர்ந்தெடுத்து அறிவித்த மணியோசை !

ஓதுவீராக ! ஓதுவீராக !

மணிமொழியில் வேதந்தனில் இனிய வாழ்வின் வழியாகச்
செப்பனிட்ட பாதைக்கிது ஆரம்பம் !

ஓதுங்கள் ! ஓதுங்கள் !
ஒவ்வொரு நாளும் ஓதுங்கள் !
ஒன்றிய மனத்தோடோதுங்கள் !

இத்தரை மீதில் சத்தியமென்று
முத்திரை பெற்ற மா மறையை (ஓதுங்கள்)

ஆதாரம் எவனோ அந்த ஆண்டவனே தந்த மறை
ஆதாரம் நமக்கேதென்று அறிவிப்பாய் வந்த மறை
ஆதாமும் ஹவ்வா முதலாய் வரலாற்றைச்சொல்லும் மறை
ஆதாயம் தேடித் தரவே அருட் கொடையாய் நின்ற மறை

அதன் மொழி பார்த்தால் அதன் ஒலி கேட்டால்
வறண்ட உள்ளமும் விளை நிலம் ஆகும் !

வித்தகர் நபியின் சித்தமும் வென்று
நித்தமும் பயின்ற மாமறையை ( ஓதுங்கள் )
அவகாசம் கிடைக்கும் போது அர்த்தம் பார்த்துக்
கொள்ளுங்கள்

அவகாசம் தேவையில்லை அவசியமாக ஓதுங்கள்
அர்த்தங்கள் புரியும் போது அறிவையும் பெருக்கிக்
கொள்ளுங்கள்

அறியாமல் ஓதும்போதும் அருள் மழை கிட்டும் அறியுங்கள்!
உலகினில் கேட்டால் இதற்கிணை இல்லை
தெளிவினில் பார்த்தால் முழுமையின் எல்லை

ரத்தினச் சுருக்கம்; முற்றிய விளக்கம்;
புத்தொளி வழங்கும் மாமறையை ( ஓதுங்கள் )
பிள்ளைக்குக் கல்வி முதலாய் குர்ஆன் ஓதச் செய்யுங்கள்
சொல்லுக்குச் சொல்லாய்ச் சொல்லி ஹர்பைத் திருந்தச்
செய்யுங்கள்
எல்லாமும் இறையே என்னும் கொள்கை நிலையைச்
சாற்றுங்கள்
எப்போதும் ஓதும் இன்பம் தப்பாதென்று போற்றுங்கள் !

ஒழுங்குற ஓதினால் பகுத்தறிவேறும்
நலிந்திட்ட உடலும் சுகமுடன் தேறும் !

எத்துணை சிறப்பும், எத்துணை புகழும்
பக்தியில் திளைக்கும் மாமறையை ( ஓதுங்கள் )




இகந்தாங்கிடும் இணையில்லா இன்பவேதம் !

( மெட்டு - பீத்தே பீத்தே )

வான்வீதியில் வந்ததே இன்பராகம்
தேன்மொழியினில் பொழிந்தநல் அன்புவேதம் !

1.திருநாளிலே குகையிலே நபியின் காதில்
ஒளியாகவே ஜிப்ரயீல் வந்து ஊதினார்
திருத்தூதரே ஓதுவீர் இறைபெயரில்
திருத்தூதரே ஓதுவீர் இறைபெயரில்
உருவானதே அறிவுக் கண்ணூற்றின் வேகம் !
( வான் வீதியில் )

2.இறைவார்த்தையில் இசைத்தது பக்திகீதம்
இகம் வாழவே அருளிய முக்திராகம்
மறுவேதிலா திறங்கிய உண்மைவேதம்
மறுவேதிலா திறங்கிய உண்மைவேதம்
மறுவேதத்தின் இறுதியாம் சக்திவேதம் !
( வான் வீதியில் )

3.கொடுநரகையும் அழித்திடும் இறையின்நாதம்
கடும்பாவங்கள் கரைத்திடும் கனிந்தராகம்
தொடர்பாகவே சுவர்க்கப்பூங் காதன்னிலே
தொடர்பாகவே சுவர்க்கப்பூங் காதன்னிலே
படர்ந்தேத்திடும் பாங்காகவே பண்புவேதம் !
( வான் வீதியில் )

4.குறைமேவினும் தெளிவுடன் மிகைத்தோதினும்
இறைவழங்கிடும் நன்மைக்கோர் எல்லையில்லை
தொடும்போதிலும் முகர்வதும் கொடுக்கும் நன்மை
தொடும்போதிலும் முகர்வதும் கொடுக்கும் நன்மை
இகந் தாங்கிடும் இணையில்லா இன்பவேதம் !
( வான் வீதியில் )



( க‌விஞ‌ர் ஆலிம் செல்வ‌ன் அவ‌ர்க‌ள் எழுதிய‌ ம‌றையாத‌ காவிய‌மொன்று........... எனும் க‌விதை நூலிலிருந்து )

வெளியீடு : ம‌ணிமேக‌லைப் பிர‌சுர‌ம்

முஸ்லிம் சமுதாயமும் பெட்டிக்கடை இயக்கங்களும் !

முஸ்லிம் சமுதாயமும் பெட்டிக்கடை இயக்கங்களும் !

மதிப்பிற்குரிய சமுதாய சகோதர, சகோதரிகளுக்கு எழுதிக் கொள்வது !

இதைப் படிக்கும் உங்கள் அனைவரின் மீதும் இறைவனின் சாந்தியும், சமாதானமும் நிலவிட ‘துஆ’ செய்கிறேன் ! அஸ்ஸலாமு அலைக்கும் (வரஹ்) தமிழகத்தை பொருத்த வரைக்கும் ஒற்றுமை என்னும் வார்த்தைக்கு அர்த்தம் புரியாத ஒரு சமுதாயம் உண்டு என்றால் அது நமது முஸ்லிம் சமுதாயம் மட்டுமே எனக்கூறுவதில் வெட்கப்படுகிறேன். கடந்த 25 ஆண்டுகளுக்கு முன்பு நமது சமுதாயம் அரசியல் ரீதியாக முஸ்லிம் லீக் என்னும் கட்சியுடனும், இஸ்லாமிய கொள்கை ரீதியாக ஜமாஅத்துல் உலமா (மார்க்க அறிஞர்களின் ) சபையுடனும், ஒழுங்கு முறைக்கு ‘’ஜமாஅத்” மஹல்லா என்னும் கட்டுப்பாட்டுடனும் வாழ்ந்த நமது சமுதாயம் இப்போது எப்படி இருக்கிறது ? எங்கே போய்க் கொண்டிருக்கிறது ? இடைப்பட்ட 25 ஆண்டுகளில் சமுதாயத்தின் பெயரால் எத்தனை கட்சிகள், எத்தனை இயக்கங்கள், எத்தனை பிரிவுகள், எத்தனை பிளவுகள் …இவையெல்லாம் ஏன்? எதனால்? என்ற கேள்விக்கு ஒரே பதில் ஒவ்வொரு மனிதனுக்குள்ளும் ஏற்பட்ட சுயநலம் தான் ! நாம் குறிப்பிட்ட 25 ஆண்டுகளுக்கு முன்பு வரை நம்மிடையே இறையச்சம் அதிகமிருந்தது ! மரணத்தின் பயம் இருந்தது ! மண்ணறையின் திடுக்கம் இருந்தது!!! ஆனால் தற்போதோ? இவையெல்லாம் ஏதாவதொரு குறிப்பிட்ட நேரத்தில் மட்டுமே நினைத்து பார்க்க கூடியதாய் மனிதனின் மனம் மாறிவிட்டது. அதனால் தான் ‘’துன்யா’’ வெனும் இவ்வுலக ஆடம்பர வாழ்க்கையின் சுக போகத்திற்கு நம்மை அடிமை படுத்திக் கொண்டோம். ஆடம்பர வாழ்க்கை யென்பது? சொகுசு பங்களா, சொகுசு கார் நினைத்து பார்க்க முடியாத பண மழையில் குளித்து சுகம் காண்பது தான் ! இது ஒவ்வொரு மனிதனின் எதிர்பார்ப்பாகவும் மாறிவிட்டது. இவற்றையெல்லாம் ஹலாலான வழியில் உழைத்து அனுபவித்தால் கூட இஸ்லாத்தின் பார்வையில் தவறு என்பதை நமது உத்தம தலைவராம் அண்ணல் நபி (ஸல்) அவர்களின் வாழ்க்கை நடைமுறையில் இருந்தும், (ஸல்) அவர்களின் காலத்திற்கு பிறகு வாழ்ந்து காட்டிய உன்னதமான சகாபாக்களின் வாழ்க்கை தத்துவத்திலிருந்தும் நாம் விளங்கிக் கொள்ள முடியும். ஒரு நாட்டின் ஜனாதிபதியாக பதவி வகித்த ஹழ்ரத் உமர் (ரலி) அவர்கள் தங்களது பதவி காலத்தின் போது கொளுத்தும் வெயில் காலத்திலும் கூட திறந்த வெளியில் ஈச்ச மர ஓலையின் மீது படுத்து உறங்கிய எளிமையை இன்றும் கூட வரலாற்று ஆசிரியர்கள் சிலாகித்து கூறுகிறார்கள். உலக மக்களுக்கு மட்டுமல்ல, நாளை மறுமை நாளின் போது ஒன்று திரட்டப்படும் லட்சத்திற்கும் மேற்பட்ட நபிமார்களுக்கும் கூட தலைமை தாங்கவிருக்கும் நமது உயிரினும் மேலான அண்ணல் நபி (ஸல்) அவர்களின் எளிமையான வாழ்க்கைக்கு கோடி உவமைகளை அடுக்கினாலும் நிகராகாது !
ஆடம்பரம் தான் ஒரு தலைவனின் சமூக அந்தஸ்து என்னும் காலத்திலும் கூட அனைத்து வசதியும் இருந்தும் கூட எளிமையாய் வாழ்ந்து காட்டியவர்கள் நபி (ஸல்) அவர்கள். அவர்களை பின் பற்றியே தான் நபித்தோழர்களும் வாழ்ந்தனர். ஆனால் தற்போதைய சமுதாய தலைவர்களின் நிலையை ஆராய்ந்து பாருங்கள். நேற்று ஆரம்பித்த இயக்கங்களின் தலைவர்களிலிருந்து தொண்டர்கள் வரைக்கும் ஸ்கார்பியோ, டாடா சுமோ, குவாலிஸ்,இன்னோவா போன்ற சொகுசு கார்களில் வலம் வருகின்றனர். இவையெல்லாம் முறையாக சம்பாதித்து வாங்கியது என சொல்லும் அருகதை எத்தனை பேருக்கு இருக்க முடியும்? குறிப்பிட்ட ஒரு இயக்கத்திற்கு வருவதற்கு முன் டீக்கடையில் வேலை பார்த்தவன் இந்த இயக்கத்தின் மாவட்டத் தலைவரான பிறகு பல கோடிகளுக்கு அதிபதியாகி விட்டானே ! என்று அந்த நபரை அருகிலிருந்து பார்த்து வந்த பிற மனிதர்கள் கூறும் உண்மையை புறக்கணிக்க முடியுமா? சமுதாயத்தின் பெயரால் இயங்கி வரும் பெரும்பாலான இயக்கங்களின் பொறுப்பாளர்களில் அதிகமானோர் எவ்வித தொழில் துறையும் இல்லாதவர்களாகவும் இயக்கத்தின் பணி மட்டுமே கதி என்று கிடப்பவர்கள். இவர்களின் பொருளாதார நிலையை கூர்ந்து பாருங்கள். நேர்மையாய் உழைத்தவனை விட பல மடங்கு சொத்து சேர்த்தவர்களாய் மாறி விட்டனர். எங்கிருந்து எப்படி இவ்வளவு பணம் இவர்களுக்கு கிடைத்தது? என்பது தான் பாமரனாய் எல்லோரும் கேட்கும் கேள்வி? இத்தகைய கேள்விக்குரிய பதிலை ஆய்வு செய்யும் போது நமக்குத் தலை சுற்ற ஆரம்பித்து விடும். எங்காவது மதக்கலவரம் வராதா? அதில் நம் மக்கள் சிலர் சாக மாட்டார்களா? உடனே அதை வீடியோ எடுத்து கேசட் ரெடி பண்ணி முதலில் அனுப்பப்படும் ஏரியாவாக அரபு நாடுகளையும் பிறகு தமிழகம் முழுவதும் என்ற திட்டத்தின் படி கேசட் விநியோகம் முடிந்ததும் அதே வேகத்தில் வசூல் வேட்டையிலும் இறங்கி கலவரத்தில் இறந்தவர்களது குடும்பத்தினருக்குரிய நிதி என்று அதற்கு பெயரும் சூட்டி கோடிக்கணக்கில் வசூலிக்கப்பட்ட பணத்தில் சிலதை கண் துடைப்புக்காக சிலருக்கு மட்டும் கொடுத்து விட்டு பெரும் பகுதி பணத்தை அமுக்கி கொண்டவர்களாய் சில காலம் இயக்கம் நடத்தினார்கள். இதற்கு 1998 கோவைக் கலவர வசூல், 2002 ல் நடைபெற்ற குஜராத் பூகம்ப வசூல் மற்றும் குஜராத் கலவர வசூல், 2004 சுனாமி வசூல் போன்றவை ஆதாரங்களாகும். கடந்த சில வருடங்களாக மதக்கலவரம் எங்கும் நடைபெற வில்லையே ! எப்படி இயக்கவாதிகள் பிழைப்பு நடத்தினார்கள்? என்ற கேள்விக்கும் பதில் இருக்கிறது ! ஒவ்வொரு வருடமும் ரமலான் காலங்களில் முஸ்லிம்களின் இறைக்கடமையில் ஒன்றான ஜகாத், மற்றும் ஃபித்ரா, கூட்டுக் குர்பானி போன்ற ஏழைகளுக்குரிய தர்மங்கள் விநியோகத்தில் மார்க்கத்தின் பெயரால் உள்ளே நுழைந்து பித்ரா, ஜகாத் புரோக்கர்களாய் மாறி கோடிக்கணக்கில் வசூல் செய்து ஏழைகளுக்கு தங்களது இயக்கத்தின் பெயரால் ஃபித்ரா,ஜகாத் விநியோகம் என்ற போலியான விளம்பரத்தையும் தேடிக்கொண்டு வசூல் தொகையில் சிலதை கொடுத்து விட்டு பெரும் பங்கை அவரவர்களின் சொந்த கணக்கில் சேர்த்துக் கொண்டதையும் ஒவ்வொரு வருடமும் நாம் காண முடிந்தது.
கடந்த இரண்டு வருடங்களாக பித்ரா, ஜகாத்,கூட்டுக் குர்பானி வசூல் எதிர்பார்த்தபடி கிடைக்கவில்லை! மக்கள் ஓரளவுக்கு விழிப்புணர்வு அடைந்து விட்டார்கள் என்பதை தெரிந்து கொண்டதும் தான் பிழைப்புக்கு வழி இல்லாமல் போய்விடுமோ? என்ற அச்சத்தின் விளைவாகவே தற்போது ஒவ்வொரு இயக்கமும் அரசியல் கட்சியாய் மாறி வலம் வர ஆரம்பித்துள்ளது. அதனால் தான் இயக்கங்களின் எண்ணிக்கையை விட கட்சிகளின் எண்ணிக்கை அதிகமாகி கொண்டே வருகிறது. எல்லா காலத்திலும் எல்லோரையும் ஒரே மாதிரி ஏமாற்ற முடியாது என்ற தத்துவத்தின் மீது நம்பிக்கை கொண்டவர்களின் இறுதி புகலிடம் தான் அரசியல் களம்! கடந்த காலத்தில் அரசியலைப் பற்றிய இவர்களது விமர்சனத்தை பாருங்கள். இந்திய அரசியல் என்பது சாக்கடையாகும். அதில் குளிப்பதற்கு நாங்கள் விரும்ப வில்லை அல்லாஹ்வின் மீது ஆணையாக நாங்கள் அரசியலுக்கு வரமாட்டோம்! என வீர? வசனம் பேசி தங்களை யோக்கியர்களாய் காட்டிக் கொண்ட அந்த நிறம் மாறிகளான பச்சோந்திகள் தான் இன்றைக்கு அரசியல் என்னும் சாக்கடையை குளிப்பதற்கு மட்டுமல்ல தாகம் தீர குடிப்பதற்கும் தயாராகி விட்டார்கள். இயக்கங்களாய் இருந்து எதையும் சாதிக்க முடியாது என்பதால் தான். அரசியலுக்குள் நுழைகிறோம் எனக் கூறுவோர் சமுதாயத்தின் அரசியல் கட்சியாக 60 ஆண்டுகளுக்கும் மேலாக இயங்கி வரும் முஸ்லிம் லீக்கை பலப்படுத்தலாமே! பெட்டிக் கடையை போல உருவாகிய இயக்கங்கள் ஆளுக்கொரு கட்சியென ஆரம்பித்து எதை சாதிக்கப் போகின்றனவாம்? தேர்தல் நேரத்தில் ஜெயலலிதா அல்லது கருணாநிதி இவர்களது கூட்டணியில் இணைந்து அவர்கள் வீசும் 1 அல்லது 2 எலும்புத் துண்டுகளை மட்டுமே கவ்வ முடியும். அதிலும் ஜெயலலிதா பக்கம் 10 முஸ்லிம் பெட்டிக்கடைகள் இருந்தால் கருணாநிதி பக்கமும் 10 முஸ்லிம் பெட்டிக்கடைகள் இருக்கும். இந்த பெட்டிக்கடை அமைப்புகளுக்கு ஜெயலலிதா எந்த தொகுதியை ஒதுக்குகிறாரோ? அதே தொகுதியை கருணாநிதி சார்பிலான பெட்டிக்கடை அமைப்புகளுக்கும் ஒதுக்கப்படுகிறது. இரண்டு ஆடுகளை மோதவிட்டு ஓநாய் காத்திருப்பது போலத்தான். இது கருணாநிதி, ஜெயலலிதாவின் சூழ்ச்சி அல்ல! சாட்சாத் நமது பெட்டிக் கடை இயக்கங்களின் அணுகு முறை தான். தனக்கு ஒரு கண் போனால் எதிரிக்கு 2 கண் போக வேண்டும் என்ற இலக்கணத்தை உணர்ந்து செயல்படும் சமுதாய பெட்டிக்கடை இயக்கங்களின் ‘’ஈகோ’’வால் தான் ஒவ்வொரு தேர்தலிலும் முஸ்லிம் அமைப்புகளின் சார்பில் ஒன்று அல்லது இரண்டு என்ற எண்ணிக்கையில் அதுவும் அடுத்த கட்சியின் சின்னத்தில் போட்டியிட்டு வெற்றி பெற முடிகிறது. தி.மு.க –அ.தி.மு.க வீசும் 1 அல்லது 2 சீட்டுகளே தமது கட்சிக்கு மிகப்பெரிய அங்கீகாரம் என நினைத்து செயல்படும் இந்திய யூனியன் முஸ்லிம் லீக்கின் போக்கினால் தான் வாரத்திற்கு இரண்டு பெட்டிக்கடை இயக்கங்களின் தோன்றுகின்றன. மக்கள் தொகை கணக்கின் படி தமிழகத்தில் வன்னியர் சமுதாய மக்களை விட முஸ்லிம் சமுதாய மக்களின் எண்ணிக்கை தான் அதிகம். ஆனால் வன்னியர் சமுதாயத்தின் அரசியல் சபையான பாட்டாளி மக்கள் கட்சிக்கு இன்று 6 எம்பிக்களும், 18 எம்.எல்.ஏக்களும், ஒரு மாநிலங்களவை உறுப்பினரும் இரண்டு மத்திய அமைச்சர் பதவியும் உள்ளபோது நமது சமுதாயத்தின் பிரதி நிதித்துவம் “0” பூஜ்ஜியமாய் இருப்பதற்கு என்ன காரணம்? அரசியல் ரீதியாக வன்னியர் சமுதாய மக்கள் பா.ம.க என்ற குடையின் கீழ் திரண்டு விடுகிறார்கள் அவர்களுக்குள் ஏராளமான பெட்டிக்கடை இயக்கங்கள், லெட்டர் பேடு அமைப்புகள் கிடையாது ! இதே போன்ற உணர்வு முஸ்லிம் சமுதாய பெட்டிக்கடை இயக்கங்களின் தலைவர்களுக்கு இல்லாமல் போனது ஏன்? எல்லாம் தங்களுக்குள் இருக்கும் சுய நலமும், எல்லோரும் தலைவர்களாக வேண்டும் என்ற கேவலமான சிந்தனைகளும் தான் ! அதனால் தான் ஒவ்வொரு பெட்டிக்கடை இயக்கங்களின் தலைவர்களும் நாம் மேலே சொன்னது போல் குளு குளு ஆடம்பர கார்களில் பந்தாவாய் வலம் வருகின்றனர். ஒற்றுமை குறித்த இறை வசனத்தையும், நபிவழியையும் புறக்கணித்து விட்டு மேடை தோறும் ஒற்றுமை பற்றி வாய் கிழிய பேசும் ஒவ்வொரு இயக்கவாதியின் பேச்சும் பைத்தியங்கள் தெருவில் கத்துவது போலத்தான் !

எவர் இயக்கம் ஆரம்பித்தாலும் உடனே வசூல் கொடுக்கும் பாமர மக்களின் தவறான அணுகுமுறைதான் ! திரட்டப்பட்ட பணத்தை பங்கு வைக்கும் போது பிரச்சினை ஏற்பட்டு ஒவ்வொரு இயக்கங்களும் இரண்டாக பிளவுபடுகிறது. இயக்கவாதிகளின் முக்கிய நோக்கமே வசூல் என்பதுதான். எனது பாசத்திற்கும், மரியாதைக்குமுரிய சமுதாய சகோதர, சகோதரிகள் அனைவரும் அல்லாஹ் ரசூலுக்கு பயந்து இனிமேல் எந்த இயக்கத்திற்கும், எதற்காகவும் நயா பைசா கொடுக்க மாட்டோம் என உறுதி கொண்டு நடைமுறை படுத்திப் பாருங்கள். எல்லா பெட்டிக்கடை இயக்கங்களும் காணாமல் மறைந்து விடும். சமுதாயத்தின் பெயரால் அவ்வப்போது நிகழும் பிரிவினைகளும் பிளவுகளும் ஏற்பட ஒரு வகையில் இயக்கங்களுக்கு வசூல் கொடுக்கும் பொதுமக்களும் காரணமாகி விடுவதால் நாளை மறுமையில் இயக்க வாதிகளின் அயோக்கியத்தனத்தைப் பற்றிய இறைவனின் கேள்விக்கு வசூல் கொடுத்த பொதுமக்களும் தான் பதில் சொல்லியாக வேண்டும். எனதருமை பொது ஜனங்களே ! ஜகாத்,பித்ரா, கூட்டுக்குர்பானி போன்ற இறைவனுக்குரிய அமல்கள் விஷயத்தில் உங்களது தர்மங்களை எந்த இடைத் தரகர்களிடமும் புரோக்கர் இயக்கங்களுக்கும் கொடுக்காமல் நீங்களே நேரடியாக உங்களை சுற்றி இருக்கும் ஏழைகளுக்கு மறைமுகமாக கொடுத்து அதற்குரிய நன்மைகளை இம்மையிலும், மறுமையிலும் பெற்றுக் கொள்வதற்கு முயற்சி செய்யுங்கள். ஒரே ஒரு வருடமாவது இதை நடைமுறை படுத்திப் பாருங்கள். அனைத்து பெட்டிக்கடை இயக்கங்களும் அழிந்து போய் விடும். அதன் மூலமாகவாவது சமுதாயத்தில் ஒற்றுமை ஏற்படட்டும் ! இன்ஷா அல்லாஹ் !!

சமுதாயக் கவலையுடன்
மெளலவி
கீழை ஜஹாங்கீர் அரூஸி
துபை.

6 Tips for Deep Sleep

6 Tips for Deep Sleep
By Maoshing Ni, L.Ac., D.O.M., ABAAHP, Ph.D.

Would you like to sleep like a baby without taking drugs? Americans spend upwards of 3 billion dollars a year on sleep medications, but to avoid the side effects, there are a number of natural remedies you can try first. Read on to learn some of the ways to get a good quality night's sleep.

1. Relaxing Rituals to Rest Easy

In Chinese Medicine, nighttime is yin time—or, simply, when the body takes care of itself instead of your desires. Proper sleep is required for your body to repair itself and regenerate. To reach deep restful sleep, your spirit and heart must be calm. Excessive worry, anxiety, and depression can all disturb the spirit and activate the mind—making it near impossible to fall asleep and stay asleep. Rituals to soothe your spirit and induce a sleep response before bed include soaking your feet in Epsom salts for 15 minutes, writing all of your thoughts in a journal to get them out of your head, and practicing relaxation before bed, like the Stress Release meditation below.

2. When Food Disturbs Sleep

When you eat late, you wake up tired. Your body will be busy digesting your dinner while you are trying to sleep, so you won't feel rested in the morning. Do not eat anything for at least three hours before bedtime. Also, cut back on eating bacon, cheese, chocolate, ham, potatoes, tomatoes, and sausage, especially before bed. These foods contain tyramine, which inhibits neurochemicals like norepinephrine and can cause insomnia. And, of course if you have sleep problems, caffeine should be cut out.

Eat for sleep! Try eating more grains at dinner; carbohydrates tend to make people sleepy. Another snooze snack is a warm cup of milk; because milk is rich in the amino acid tryptophan, it can sometimes aid in deep sleep. Mix in natural vanilla flavoring for a soothing snack. Or if you prefer, eat 1 cup of natural yogurt an hour before bedtime.

3. A Peaceful Place for Sleep

Your sleeping environment makes a huge difference to the quality of your sleep. Do everything you can to create a quiet and cozy atmosphere. Ideally, your bedroom should be located in the quietest area of your home. Keep the décor minimal. Lighting should be dim and any music that is played should be soothing. Research has found that lavender, vanilla, and green apple are among the best scents to help lower anxiety and induce sleep, making these smells a good choice for a scented candle or heated essential oil. Try to limit your pets to outside of the bedroom because their movements can keep your body from fully relaxing into deep R.E.M. sleep. As much as possible, your bedroom should be only for sleep.

4. Exercise Enables Sleep

People with regular exercise routines often sleep better and have fewer incidents of insomnia than those don't get regular physical activity. Exercise promotes sleep and improves sleep quality by altering brain chemistry. Exercising moderately for 20 to 30 minutes three times a day, combined with meditation or tai chi in the evening, will not only help you fall and stay asleep, but will also increase the amount of time you spend in R.E.M. sleep. In fact, for some people, exercise alone is enough to overcome sleep problems. Exercise in the morning or afternoon, but do not exercise for at least two hours before bed.

5. Herbs to Sleep Tight

A calming tea before bedtime can ensure a good night's sleep. Drink valerian or passionflower (or passiflora) tea before bedtime every night for one month. Simply steep 1 to 2 tablespoons of the dried herbs in one cup of hot water and drink just before bed. Or look for one with the traditional Chinese herbs zizyphus or jujube seed, bamboo shavings, and oyster shell, which soothe the mind and spirit.

You might also try Calm-Fort/Sleep formula with useful herbs like lily bulbs, polygala and turmeric that help manage stress and calm the spirit while relieving restlessness and insomnia.

6. A Sleep-Friendly Meditation
I had one patient with insomnia who also felt anxious and even a little depressed. In addition to acupuncture and herbal therapies, I decided to teach her a stress release meditation that she could do before bedtime to help with her anxiety. I am happy to report that she is now sleeping like a baby.

Try this Stress Release meditation, which works for the majority of my patients who have sleeping problems:

Sit comfortably or lie down on your back. Slow your respiration to deep, abdominal breathing. Utter the word "calm" in your mind with every exhalation. Focus on relaxing each area of your body in sequence, from the top of your head to your toes. Starting with the top of your head, inhale and then exhale while visualizing your scalp muscles relaxing. Say "calm" in your mind. Repeat this with each body part as you move down through all body parts, front, back, and sides, in succession: your face, throat, chest, arms, stomach, abdomen, thighs, knees, legs, ankles, until finally you reach your feet. When you've relaxed your feet, visualize all the tension in your body leaving through your toes as dark smoke. Practice this for at least 15 minutes before bedtime.

It will have you sleeping in no time. If you do better with meditative visualizations that are narrated, try my Stress Release CD.

I hope you find the ways to resting easy and waking up refreshed!

May you stay healthy, live long, and live happy!

Regards
A.Mohamed niyaz

Arabic Typing and Arabic E-teaching

Assalaamu alaykum Islamic Brothers and sisters.

I welcome all those who want to learn Arabic through Online. The Arabic language is very important one. Our Prophet Mohammed (sal) said: Learn Arabic for 3 reasons.
1. The Holy Quran In Arabic 2. The Prophet's sayings are in Arabic. 3. The language of paradise is Arabic. (Baihaquee)

so, we have to learn Arabic. kindly open the attached file.

N. Abdul hadi Baquavi
Chennai. 81.
4 05 2009
hadi2abshar@gmail.com

ஜி-மெயிலில் ஆர்க்கிவ் (archive) பட்டன் ஏன்? எதற்காக?

ஜி-மெயிலில் ஆர்க்கிவ் (archive) பட்டன் ஏன்? எதற்காக?
எழுதியவர் : கார்த்திக் 04 May 2009

ஜிமெயிலின் ஒரு பெரிய வசதி அல்லது பரிமாணம் அது தனக்கென ஒரு சேமித்து வைக்கும் (கொடவுண்) இடத்தை வைத்திருப்பதுதான். ஜிமெயிலைப் பயன்படுத்தத் தொடங்கிய காலத்தில் பலருக்கு இது புதிராகவே இருக்கும். இந்த ஆர்க்கிவ் என்பது உங்கள் மெயில்களைப் பல ஆண்டுகள் தொடர்ந்து வைத்திருக்கும் என்பதல்ல. அவற்றை அது விடவே விடாது; என்றும் விட்டு விடாது என்று எண்ண வேண்டாம்.


இந்த ஆர்க்கிவ் பட்டனை உங்கள் ஜிமெயிலின் இன்பாக்ஸ் தோற்றத்தில் காணலாம். இதில் கிளிக் செய்தால் அது அப்போது கர்சர் உள்ள இமெயில் செய்தியை இன்பாக்ஸிலிருந்து எடுத்துவிடுகிறது. அப்புறம் என்ன செய்கிறது? ஏன் எடுக்கிறது? இது உங்கள் இமெயில்களை ஒரு ஒழுங்கு செய்திடும் வேலை தான். நீங்கள் ஆச்சரியப்படலாம். இன்பாக்ஸிலிருந்து எடுக்கப்பட்ட இமெயில் எங்கு செல்கிறது என்று பார்க்க விரும்பலாம். இது நீங்கள் அந்த இமெயில் செய்திக்கு ஏதேனும் லேபிள் பெயர் தந்திருக்கிறீர்களா என்பதைப் பொறுத்து உள்ளது. நீங்கள் அதற்கு லேபிள் கொடுத்திருந்தால் அது அந்த லேபிளுக்கான பாக்ஸிற்குச் செல்கிறது.இதனை ஆல் மெயில் பிரிவிலும் (All Mail) பார்க்கலாம்.

இதனைக் கொஞ்சம் இன்னும் பின்னோக்கிச் சென்று விளக்கமாகப் பார்க்கலாம். உங்கள் ஜிமெயிலுக்கு ஒரு இமெயில் செய்தி வந்தவுடன் அது தானாகவே இன்பாக்ஸ் லேபிலை வாங்கி கொண்டு இன்பாக்ஸ் பிரிவில் வைக்கப்படுகிறது. இதனுடைய லேபிளை மாற்றாதவரை அது வேறு எந்த பிரிவிற்கும் மாற்றப்படுவதில்லை. இதற்கு ஒரு லேபிள் தராமல் ஆர்க்கிவ் பட்டன் அழுத்தி ஆர்க்கிவ் பிரிவிற்கு அனுப்பினால் ஆல் மெயில் வியூவில் மெசேஜிற்கு அடுத்தபடியாக "Inbox என்று இருப்பதைக் காணலாம். இது எதற்காக என்றால் உங்களின் அனைத்து மெயில்களையும் நீங்கள் அவை எங்கிருந்து வந்தவை என்று பார்ப்பதற்காக. அதே நேரத்தில் அவை ஆல் மெயில் போல்டரிலும் காட்டப்படுகின்றன.

இதனை இன்னும் விளக்கமாகப் புரிந்து கொள்ளவும் இந்த ஏற்பாட்டினைச் சோதித்துப் பார்க்கவும் கீழ்க்கண்டபடி செயல்படவும். இன் பாக்ஸ் சென்று ஏதேனும் ஒரு இமெயில் மெசேஜைத் தேர்ந்தெடுக்கவும். இதற்கு ஒரு லேபில் கொடுக்கவும். ஆனால் ஆர்க்கிவ் செய்திட வேண்டாம். இனி நீங்கள் கொடுத்த லேபில் வியூ சென்று அங்கு உள்ள பட்டியலில் இந்த இமெயில் செய்தி இடம் பெற்றிருப்பதனைக் காணுங்கள். இங்கு நீங்கள் கொடுத்த லேபிலும் முதலிலேயே அதற்கு வழங்கப்பட்ட இன்பாக்ஸ் லேபிலும் காட்டப்படுவதனைக் காணலாம். இவை ஆல் மெயில் போல்டரிலும் காட்டப்படும்.


இப்போது மீண்டும் இன் பாக்ஸ் சென்று இன்னொரு மெசேஜைத் தேர்ந்தெடுங்கள். இப்போது அதற்கு ஒரு லேபில் அமைத்து ஆர்க்கிவ் பட்டனையும் அழுத்தி ஆர்க்கிவ் செய்திடுங்கள். அடுத்து லேபில் வியூவில் சென்று பார்த்தால் நீங்கள் அதற்குக் கொடுத்த லேபில் இருக்கும். ஆனால் இன்பாக்ஸ் லேபில் இருக்காது. ஒரு மெசேஜை ஆர்க்கிவ் செய்திடுகையில் அந்த இமெயில் செய்திக்கு வழங்கப்பட்ட இன்பாக்ஸ் லேபில் நீக்கப்படுகிறது.இதனால் இந்த இமெயில் மெசேஜ் இன்பாக்ஸில் தொடர்ந்து காட்டப்படமாட்டாது. நீங்கள் தான் அதனை கொடவுணில் போட்டு விட்டீர்களே.

அப்படியானால் ஆர்க்கிவ் செய்ததை மீண்டும் மீட்டு இன்பாக்ஸ் கொண்டு வர முடியாதா? கொண்டு வந்து அதற்கு வேறு ஒரு லேபில் வழங்க முடியாதா? என்று நீங்கள் கேட்கும் கேள்வி புரிகிறது. தாராளமாகக் கொண்டு வரலாம். ஆர்க்கிவ் சென்று மீட்க விரும்பும் மெசேஜில் கர்சரைக் கொண்டு செல்லவும். அங்கு More Actions என்று ஒரு லிங்க் கிடைக்கும். அதனைக் கிளிக் செய்து கிடைக்கும் மெனுவில் உள்ள Move to Inbox என்பதில் கிளிக் செய்திடவும். நீங்கள் அந்த மெசேஜிற்குச் செய்ததெல்லாம் மீண்டும் ரிவர்ஸ் ஆகி அந்த மெசேஜ் இன்பாக்ஸிற்குச் சென்றுவிடும்.

ஆர்க்கிவ் பட்டன் மூலம் நீங்கள் குறிப்பிட்ட சில இமெயில்களை எடுத்துச் சென்று தனியே பிரித்தெடுத்து வைக்க முடிகிறது. முயற்சி செய்து பார்த்தால் இதனை நீங்கள் விரும்புவீர்கள்.

பேராசிரியர் பெரியார்தாசன் பேச்சு

பேராசிரியர் பெரியார்தாசன் பேச்சு

RIYADH
Mon, May 4, 2009 at 9:53 PM

தனித்தனி அழைப்புகளால் வந்தவர்களாலேயே நிறைந்துவிட்டிருந்தது அரங்கு. சில நாள்களாக ரியாத்தில் மையங்கொண்டிருக்கும் பெரியார்தாசன் என்னும் பேச்சுப்புயலில் தங்களுக்கான/தங்கள் சமூகத்திற்கான அறிவுரைமழையை எதிர்பார்த்து தமுமுக என்கிற முஸ்லிம் பொதுமக்கள் சமூக அமைப்பு ஞாயிறு இரவு பத்தாவில் இந்தக்கூட்டத்திற்கு ஏற்பாடு செய்திருந்தது.

கடந்த வியாழன் இரவு, ரியாத் தமிழ்ச்சங்கத்தின் பொன்மாலைப் பொழுதிலும், மறுநாள் எழுத்துக்கூடத்தின் வெள்ளிமாலையிலும் பேராசிரியரின் பேச்சைக் கேட்டு சிந்தை நிறைந்தவர்கள் வந்திருந்து இந்த அரங்கையும் நிறைத்திருக்க, இந்திய அரசியலின் புரட்டுத்தனங்களை தன் பேச்சில் பட்டியலிட்டார் பேராசிரியர்.

முஸ்லிம்கள், குறிப்பாக தமிழக முஸ்லிம்களைக் குறித்து கூறும்போது, இறையியல் தத்துவம், வணக்க வழிபாடுகள், மறுமை நம்பிக்கை என்கிற மூன்று அம்சங்களிலேயே மற்றவர்களிடமிருந்து வேறுபடுகிறார்களே தவிர, இரத்தமும் சதையும் உள்ள சகதமிழர்களாக, அவர்தம் தொப்புள்கொடி உறவாகத்தான் இன்றைக்கும் இருக்கிறார்கள் என்றார் பேராசிரியர்.

இஸ்லாமிய தத்துவத்தின் தாக்கம்

உயர்வற உயர்நலம் உடையவன் யவன் அவன்...
என்று தொடங்கும்

நம்மாழ்வாரின் திருவாய்மொழியிலும் ஆவுரித்துத் தின்றுழலும் புலையரேனும் என்ற திருநாவுக்கரசின் சைவப் பாடலிலும் இருப்பதைச் சுட்டிவைத்தார்.

முஸ்லிம்களை பயங்கரவாதிகளாகவும், கடத்தல்காரர்களாகவும், பலதார மணமுடிப்பவர்களாகவும் கருதும் போக்கு கடந்த சில வருடங்களாகத்தான் கட்டிஎழுப்பப்பட்டது என்ற பேராசிரியர், பாபர்மசூதி இடிப்பு அதன் தொடர்ச்சியே என்றார்.

முஸ்லிம்கள், தாழ்த்தப்பட்டவர்கள், பிற்படுத்தப்பட்டவர்கள் ஆகிய ஒடுக்கப்பட்டவர்கள் ஒன்றிணைவதன் மூலமே தங்கள் உரிமைகளை சரியாகப் பெற முடியும் என்ற பேராசிரியர் அப்படி ஒன்றிணைந்துவிடாமல் சுட்டா'ராம்' கட்சியும், செத்தா'ராம்' கட்சியும் சூழ்ச்சி வலை பின்னுவதை எளிதாக விளக்கினார். "நான் அடிக்கற மாதிரி அடிக்கறேன், நீ அழற மாதிரி அழு" கதை தான்.

செத்தவனும் ராம் ராம் என்று சொன்னான், சுட்டவனும் ராம் ராம் என்று தான் சொன்னான். ஆக, இந்த சூனாராம் சேனாராம்களே இந்திய அரசியலில் ஆதிக்கம் செலுத்துவதை 'நாம்' தெளிவாக உணர்ந்துகொள்ளவேண்டும் என்றார். இங்கே, 'நாம்' என்பது ஒடுக்கப்பட்ட அனைவரும்.

ஒரு அரசின் மூன்று அங்கங்களாக ஆட்சித்துறை, நிர்வாகத்துறை, நீதித்துறை என்ற மூன்று துறைகள் விளங்குவதைக் குறிப்பிட்ட பேராசிரியர், சட்டங்கள் இயற்றும் அவைகளில் இடம்பெற முஸ்லிம்கள் இப்போது முனைப்பு காட்டினாலும், மற்ற இருதுறைகளிலும் அதேபோல முன்வரவேண்டும் என்றார். முழுமையான முன்னேற்றம் மூன்றிலும் தம் விகிதத்தை உயர்த்திக்கொள்வதில் தான் இருக்கிறது என்ற உண்மையைச் சொன்னார்." இல்லேன்னா, அவன் விட்டால் இவன் விடமாட்டான், அவனும் இவனும் விட்டா மூணாவது ஆளை வைத்து ஸ்டே வாங்குவான்"

ஆட்சியாளர்கள், நிர்வாகத்தில் இருக்கும் அதிகாரிகள், நீதித்துறை என்று எந்த இடத்திலும் இடர்ப்பாடுகள் நேரலாம் என்பதையும் விளங்க வேண்டும் என்றார்.

1916லிருந்து 1952 வரை இடஒதுக்கீடு பெற்றிருந்தும் முஸ்லிம் சமூகம் நிர்வாகத்துறையில் குறிப்பிடத்தக்க இடம்பெறவில்லை என்ற பேராசிரியர், அதன்பிறகு முஸ்லிம்களின் வளமை பற்றிய போலித்தோற்றத்தால்; மாயையால் அந்த இடஒதுக்கீடு பறிக்கப்பட்டதைக் குறிப்பிட்டார்.

சச்சார் கமிட்டி அறிக்கை முஸ்லிம்களின் யதார்த்தமான பொருளாதார நிலையைப் படம்பிடித்து காட்டும்வரை, முஸ்லிம்கள் கூட தங்களின் உண்மைநிலையைத் தெரிந்துகொள்ளாமல் தான் இருந்தார்கள் என்பதையும் பெரியார்தாசன் சுட்டுவதற்குத் தவறவில்லை.

அரசியல் சட்ட நிர்ணய சபைக்கு அம்பேத்கர் தேர்வு பெற்று விடாமல் ஆதிக்கவாதிகள் சூழ்ச்சி செய்து தோற்கடித்தபோது, படித்தவராக, நுண்ணறிவு மிக்கவராக விளங்கிய அம்பேத்கர் அதை முறியடித்து அந்த சபைக்கே தலைவராக வந்த விதம் பற்றி பேராசிரியர் விளக்கியபோது அதில் சமூகத்துக்கு ஒரு செய்தி இருந்தது.

" முஸ்லிம்களை வைத்தே முஸ்லிம்களுக்கெதிராகத் தீர்மானம் நிறைவேற்றுவார்கள் ஆதிக்க வாதிகள். அப்படிப்பட்ட முஸ்லிம்களைத் தான் தம் இயக்கத்தில்; கட்சியில் பதவியில் வைத்து அழகு பார்ப்பார்கள்" என்றார் பேராசிரியர்

ஒற்றுமை என்னும் விழிப்புணர்ச்சி பற்றி கருத்து சொல்லவந்த போது முஸ்லிம்களின் இயக்கவெறி மாய்க்கப்படவேண்டும் என்பதை வலியுறுத்தி அழகாக குட்டவும் சுட்டவும் செய்தார் பேராசிரியர்.
"ஒரு ஊரில் மூன்று முஸ்லிம்கள் தான் இருக்கிறார்கள். ஆனால், நான்கு இயக்கங்கள் இருக்கின்றன. நாலாவதாக வெளியிலிருந்து வந்தவன், இந்த மூன்று பேரையும் ஒற்றுமைப்படுத்துவதற்காகவே இயக்கம் கண்டதாகச் சொல்கிறான்"

உரை முடிந்ததும் இதே கருத்தில் மீண்டும் வினாவெழுப்பிய ஒரு சகோதரருக்கு "இதுபற்றி தான் பேசியிருக்கிறேன், ஒலிநாடா கேளுங்கள்" என்றார் பேராசிரியர்.

இன்றைக்கு இளைஞர்கள் விழிப்புணர்ச்சி பெற்று அனைத்து ஒடுக்கப்பட்டவர்களையும் இணைத்து களம் காண்பது காலத்தின் தேவையாக இருப்பதைச் சொன்ன பேராசிரியர் மேலும் தொடர்ந்து........
"இறைவனுக்கு இணைவைக்கக்கூடாது" என்று சொல்கிற ஒரு முஸ்லிம் சமுதாயத்திலிருந்து ஒருதலைவர், அதுவும் பேராசிரியராக இருந்தவர் இடஒதுக்கீட்டுக்காக முதல்வரைப் புகழும்போது சொன்ன வார்த்தைகளைச் சொன்ன பேச்சாளர் 'ஒரு முஸ்லிம் இப்படியெல்லாம் பேசலாமா?' என்ற தன் ஆதங்கத்தையும் வெளியிட்டார்.


தம் சமூக நலனை முன்னெடுத்துச்செல்ல களம் காண்கிற இளைஞர் பட்டாளத்தைப் பாராட்டிய பேராசிரியர் உரையில் நம்மைப் போன்றவர்களுக்குப் பாடமும், ஊக்கமும் இருந்தது என்றால் மிகையில்லை.







--
H.FAKHRUDEEN
பஃக்ருத்தீன் (இப்னு ஹம்துன்)
+966 050 7891953
www.ezuthovian.blogspot.com
www.mypno.com
fakhrudeen.h@gmail.com

எண்ணம் பொறுத்ததாம் எச்செயலும் அத்துடன் உன்னைப் பொறுத்தே உலகு!

நியாயம்தான் சட்டம்

நியாயம்தான் சட்டம்
வாரண்ட் பாலா

உலகில் ஒருவர் எந்த நாட்டவராக இருந்தாலும், எந்த மதத்தவராக இருந்தாலும், எந்த இனத்தவராக இருந்தாலும் அவருக்கு, அவருடைய நாட்டில் என்னென்ன உரிமைகள் உண்டோ அத்தனை உரிமைகளையும் வழங்கும் ஒரே நாடு நமது இந்தியா தான்.

இதன் அடிப்படையில் இந்தியக் குடிமகன்

அல்லது குடிமகள் என்பதற்காக நாமெல்லாம் பெருமைப்பட வேண்டும். ஆனால் நமது ஒட்டுமொத்த மக்கள் தொகையில் ஒரு சதவிகிதமாவது பெருமைப்படுவார்களா? என்பது சந்தேகமே. காரணம் ஒவ்வொரு மதத்திற்கும் எனத் தனித்தனியாகச் சட்டம் இருந்தாலும் கூட அது பற்றிய விழிப்புணர்வு இன்மையே.

நாமெல்லாம் சட்டப்படி தான் வாழ்ந்து கொண்டிருக்கிறோம். ஆனால் சட்டம் தெரியாமல் வாழ்ந்து கொண்டிருக்கிறோம் என்று சொன்னால் உங்களால் நம்ப இயலாது. ஆனால் அது உண்மை. ஆம்! சட்டப்படி வாழ்வதால்தான் ""வெளியில் இருக்கிறோம்'' இல்லையென்றால் ""சிறையில்தானே இருப்போம்?''

சட்டம் தெரியாமலே சட்டப்படி வாழ்ந்து வரும் நமக்கு, சட்டத்தைத் தெரிந்து கொள்வதில் என்ன சிரமம் இருக்க முடியும்? ஒன்றுமே இல்லை என்பது தான் எனது ஆணித்தரமான கருத்து.

நாட்டில் நடக்கும் அத்தனை செயல்களும் நல்ல விதமாக நடக்க வேண்டும் என்பதற்காக உருவாக்கப்பட்ட ஒரு வரையறைதான் "சட்டம்'.

எனவே, சட்டத்தில் ஆயிரத்தெட்டு ஓட்டை என்பதெல்லாம் அதை கையாள்பவர்களின் கையாலாகாத்தனமே தவிர சட்டத்தின் தன்மையல்ல.

நாம் முன்னரே படித்தவாறு சட்டம் என்பது எல்லாம் நல்ல விதமாக நடக்க வேண்டும் என்பதற்காக யார், யார் எப்படிச் செயல்பட வேண்டும் என எழுதப்பட்ட அதிகார வரையறை தொகுப்பே. இந்த அதிகாரத்தை எவர் ஒருவர் தவறாகப் பயன்படுத்தினாலும் சட்டம் ஒன்றும் செய்யாது. செய்யவும் முடியாது. காரணம் அது எழுத்து மூலமான ஓர் அறிவுறுத்தல் தொகுப்புத்தானே தவிர, நம்மைப்போல் வாய் உள்ள நபர் அல்ல என்பதை முதலில் நாம் நன்றாக விளங்கிக் கொள்ள வேண்டும்.

நாட்டில் எந்த விதத்திலும் யார் பெரிய ஆள் என்று கேட்டால், நமது நாட்டின் முதல் குடிமகனான குடியரசுத் தலைவர் முதல் வறுமை கோட்டிற்குக் கீழ் உள்ள குடிமகன் வரை ஒவ்வாருவரும் ஒவ்வொரு விதத்தில் பெரியாளாக இருப்பார்கள். ஆனால் இவர்கள் எல்லாருமே ஒன்றுக்குக் கட்டுப்பட்டவர்கள் என்றால், அது சட்டத்துக்கு மட்டும் தான்.

சட்டம் என்பது நாம் நினைப்பது போல் மிகவும் கடினமான ஒன்றல்ல. எளிமையான விஷயமே. சட்ட விழிப்புணர்வு பெற இருக்கிற சட்டங்களை எல்லாம் கரைத்துக் குடிக்க வேண்டும் என்ற அவசியமில்லை.

நமது உடம்பில் எப்படி ஐம்புலன்கள் முக்கியமோ அதுபோல, நாட்டில் நாம் நல்ல முறையில் வாழ வேண்டும் என்றால், இந்திய அரசமைப்பு, இந்திய சாட்சிய சட்டம், இந்திய தண்டனைச் சட்டம், குற்ற விசாரணை முறை விதிகள், உரிமையியல் விசாரணை முறை விதிகள் என்ற இந்த 5 சட்டங்கள் மிகமிக முக்கியம்.

இந்திய அரசமைப்புதான் இந்தியாவின் தலையாய சட்டம். இதில் சொல்லப்பட்டுள்ளபடிதான் நாடு இயங்க வேண்டும். நாட்டில் உள்ள குடிமக்கள் தங்களின் அடிப்படை உரிமைகள் முதல் அனைத்து விதமான உரிமைகளை நிலைநாட்டிக் கொள்வதோடு தமக்கென விதிக்கப்பட்டுள்ள கடமைகளை ஆற்ற வேண்டும்.

இதில் என்ன விசித்திரம் என்றால், சட்ட விழிப்புணர்வு இல்லாதவர்கள் கூட உரிமையை நிலைநாட்டிக் கொள்வதில் கண்ணும் கருத்துமாக இருக்கின்றனர். ஆனால் கடமையைச் செய்வதில் கண்டும் காணாமலும் இருக்கின்றனர்.

உரிமையை நிலைநாட்டுவதில் கண்ணும் கருத்துமாக இருந்தாலும் கூட அதற்காக வாழ்நாள் முழுவதும் போராட வேண்டியிருக்கிறது அல்லவா? இதற்கு என்ன காரணம்? யாருமே கடமையைச் செய்யாதுதான். ஒருவர் தான் ஆற்ற வேண்டிய கடமையை ஆற்றினால் மட்டும்தானே அதன் மூலமாக பல பேருக்கு கிடைக்க வேண்டிய உரிமை பலனாகக் கிடைக்கும். எல்லோருமே உரிமைக்காகப் போராடிக் கொண்டிருந்தால் உரிமை எப்படிக் கிடைக்கும்?

சாதாரண ஆவணம் முதல் சான்று ஆவணங்கள் வரை, ஆண்டி முதல் அரசன் வரையிலான சாட்சிகள் எவை எவை எத்தன்மை வாய்ந்தது என்று வகைப்படுத்தப்பட்டு நீதிமன்றங்கள் எப்படிச் செயல்பட வேண்டும் என்பதற்கான வழிகாட்டுதல்களை இந்திய சாட்சிய சட்டம் வழங்குகிறது.

இந்திய தண்டனைச் சட்டமோ, நாம் எதையெல்லாம் செய்யக் கூடாது, எதையெல்லாம் செய்ய வேண்டும், செய்யக்கூடாததை செய்தால் அது எந்த விதத்தில் குற்றமாகும்? செய்ய வேண்டியதை செய்யாமல் இருந்தால் அது எந்த விதத்தில் குற்றமாகும்? இவைகளுக்கு என்ன தண்டனை என்பதை விளக்குகிறது.

எந்த ஒரு சட்டத்தின் கீழும் தண்டிக்கத்தக்க குற்றம் நடக்கும் போது அதற்கான முதல் தகவல் அறிக்கை, புலனாய்வு, கைது, பிணை, விசாரணை, தண்டனை அல்லது விடுதலை ஆகியவை குறித்து மேற்கொள்ள வேண்டிய நடவடிக்கைகள் குறித்து விளக்குவதே குற்ற விசாரணை முறை விதிகள்.

எந்த ஒரு சட்டத்தின் கீழ் நமது உரிமையைக் கோருவதாக இருந்தாலும், அதற்கு மனு தாக்கல், பதில் மனு தாக்கல், சாட்சிகள் விசாரணை, ஆவணங்கள் ஆய்வு, தீர்ப்புரை என அனைத்தும் எப்படிச் செயல்படுத்தப்பட வேண்டும் என அறிவுறுத்துவது உரிமையியல் விசாரணை விதிமுறைகள்.

இந்த ஐந்து சட்ட விஷயங்களை சாதாரணமாகத் தெரிந்து வைத்திருந்தாலே போதும். தப்பு தண்டா ஏதும் செய்து விடாமல் நல்ல முறையில் நமது வாழ்க்கையை கழித்துவிடலாம்.

ஒருவேளை தப்பு தண்டா ஏதும் செய்துவிட்டால்கூட அதற்காகப் பயப்படத் தேவையில்லை. நேராக நீதிமன்றம் சென்று ஒப்புக் கொண்டு விட்டால் "" முதல் குற்றம் என்ற காரணத்தால் அதிகபட்சம் மன்னிக்க வாய்ப்புண்டு அல்லது மிகக்குறைந்த தண்டனையே கொடுப்பார்கள். அத்தண்டனை நாம் நமது தவறுகளைச் சரி செய்து கொள்வதற்கு வழிகோலாக அமையும்''.

நாமே நேரடியாக நீதிமன்றத்தில் குற்றத்தை ஒப்புக் கொள்ள முடியுமா? என்று உங்களுக்கு ஒரு பெருத்த சந்தேகம் வரலாம். குற்றத்தை ஒப்புக் கொள்வதற்கு மட்டுமல்ல, நமது பிரச்னைக்காக "நாமே எந்த நீதிமன்றத்தில் வேண்டுமானாலும் வாதாடலாம்!''

நம் வழக்குக்காக நாமே வாதாடுவதற்கு எந்தவிதத் தடையும் கிடையாது. இனி விதிக்கவும் முடியாது. ஏன் தெரியுமா?

உங்களிடம் நான் தற்போது எதன் அடிப்படையில் பேசிக் கொண்டு இருக்கிறேனோ அதே அடிப்படையில் நீங்கள் நீதிபதிகளிடம் மட்டுமல்ல, யாரிடம் வேண்டுமானலும் உங்களின் நியாயத்துக்காக வாதாட முடியும். இப்படி வாதாடுவது உங்களின் அடிப்படை உரிமை.

அடிப்படை உரிமை என்றால் நமக்குத் தேவையானதை யாரிடமும் அனுமதி கேட்காமல் நாமே எடுத்துக் கொள்வதாகும்.

நீங்களே வாதாடும் போது முக்கியமாக செலவு கிடையாது. உங்களை எதிர் தரப்பினர் விலை கொடுத்து வாங்கமுடியாது என்பதால் ஏமாற வாய்ப்பில்லை. வழக்கு முடியும்வரை வேறு வேலை கிடையாது என்பதால், வாய்தா வாங்கமாட்டீர்கள். வழக்கு விரைவில் முடியும்.

வக்கீல்கள் நீதிமன்றப் புறக்கணிப்பை அடுத்து பல்வேறு தரப்பினரும் தாங்களே வாதாடி ஒரே நாளில் நிவாரணம் பெற்றனர்.

"நியாயம்தான் சட்டம். அதற்குத் தேவையில்லை வக்கீல் பட்டம்' என்ற கருத்தை ஆழமாக உணர்ந்து வாதாடியவர்களே, செலவில்லாமல், ஏமாறாமல், விரைவாக தனக்கான நீதியைப் பெற்றார்கள். இந்த நற்கொள்கை மிக்க உணர்வை ஏன் இந்தியக் குடிமகனாகிய நாம் ஒவ்வொருவரும் பின்பற்றக் கூடாது. கட்டாயம் பின்பற்ற வேண்டும்.

நமக்குள்ள அளவுகடந்த சுதந்திரம் அடுத்தவரின் சுதந்திரத்தை எந்த விதத்திலும் பாதித்து விடக்கூடாது என்பது மிகவும் முக்கியம். அப்படி பாதித்து விட்டால் அதுதான் "குற்றம்'.

அதேபோல தனக்கு இருக்கும் உரிமை அடுத்தவருக்கும் உண்டு என நினைக்க வேண்டும். அப்படி இல்லை என்று நினைக்கிற இடம்தான் "பிரச்னையின் ஆரம்பம்'.

குற்றம், பிரச்னை ஆகிய இரண்டும் முற்றிலுமாகக் களையப்பட வேண்டும். குடிமக்கள் அனைவரும் சண்டை, சச்சரவு இல்லாமல் நிம்மதியாக வாழ வேண்டும். உலகத்துக்கே வழிகாட்டியாக விளங்க வேண்டும்.

”ஓட்டு” களுக்காக இறையருளை இழக்க வேண்டாம் !

”ஓட்டு” களுக்காக இறையருளை இழக்க வேண்டாம் !

தமுமுகவினருக்கு கீழை ஜஹாங்கீர் அரூஸி வேண்டுகோள்

தமிழ்நாடு முஸ்லிம் முன்னேற்றக் கழகத்தின் தலைவர் பொது செயலாளர் மற்றும் தொண்டர்களுக்கு மெளலவி கீழை ஜஹாங்கீர் அரூஸி சலாத்துடன் எழுதிக் கொள்வது. அஸ்ஸலாமு அலைக்கும் (வரஹ்) இம்மடல் காணும் உங்கள் அனைவரின் மீதும் சமாதானம் நிலவிட துஆ செய்கிறேன்.கடந்த 16 ஆண்டுகளாக தங்கள் இயக்கத்தின் சார்பில் தமிழகத்தின் பல பகுதிகளிலும் மருத்துவ முகாம், இரத்ததான முகாம், ஆம்புலன்ஸ் சேவை போன்ற பொது சேவைகளை சாதி, மதம் வேறுபாடு இல்லாமல் செய்து வருவதை எல்லோரும் நன்கறிவோம். இச்சேவைகளுக்கான நற்கூலி நாளை மறுமையில் கிடைக்கும். என்ற நம்பிக்கையுடனும், எதிர்பார்ப்புடனும் தான் தாங்கள் செய்திருப்பீர்கள் என திடமாக நம்பிக் கொண்டிருக்கிறோம். இது தான் உண்மையென்றால் அனைவருக்கும் சந்தோஷமே! மனிதன் செய்யும் ஒவ்வொரு அமல்களுக்கும் நிச்சயமாக கூலி வழங்குபவன் அல்லாஹ் ஒருவனே! அதற்குரிய நற்கூலியை நாளை மறுமையில் வழங்கப்படும் போது நல் அமல்களில் ஈடுபட்ட மனிதர்களின் முகத்தில் ஏற்படும் சந்தோஷத்திற்கு அளவே இருக்காது ! இதையெல்லாம் உணர்ந்து தான் தாங்கள் பகிரங்கமாகவே அரசியலுக்கு வர மாட்டோம் இது அல்லாஹ்வின் மீது சத்தியம் ! என்று பிரகடனம் செய்தீர்கள். ஒருவேளை மனம் மாறி அரசியலுக்கு வந்து விட்டால் இதற்காகத்தான் தமுமுகவினர் இரத்ததான முகாம், ஆம்புலன்ஸ் போன்ற சேவைகளை செய்திருக்கின்றனர். என்ற எண்ணம் பொது மக்களிடம் ஏற்பட்டு நாளை மறுமையில் இறைவனின் அருள் கிடைக்காமல் போய் விடலாம் என்ற அச்சத்தின் விளைவாகத் தானே நீங்கள் ஆயிரக்கணக்கான மக்களுக்கு மத்தியில் அறிவித்த அரசியலுக்கு வர மாட்டோம் இது அல்லாஹ் மீதாணை என்ற சத்தியம். அந்த நேரத்தில் உங்களது குரலில் இருந்த வீரியத்தை வர்ணிக்க வார்த்தை கிடையாது ! ஆனால் இன்றோ, அந்த சத்தியம் என்னாயிற்று? ஏன் சத்தியத்தை முறித்தீர்கள்? ஒரு முஸ்லிம் சத்தியத்தை முறிக்க நினைத்தால் அதற்கான பரிகாரத்தை நிறைவேற்றிய பின்னரே சத்தியத்தை முறித்ததற்கான காரண காரியங்களில் ஈடுபட வேண்டும் என்ற அல்குர்ஆனின் வசனத்தை படித்துப் பாருங்கள். குர்ஆனின் அடிப்படையில் வாழ வேண்டிய நீங்கள் உங்களது சத்திய முறிவுக்கான பரிகாரத்தை நிறைவேற்றினீர்களா? இதை நீங்கள் மட்டுமல்ல உங்கள் சத்திய பிரகடனத்தை ஏற்றுக் கொண்ட ஒவ்வொரு தொண்டரும் பரிகாரத்தை நிறைவேற்ற வேண்டும். சத்தியத்தை முறிப்பது பாவம் என்பது ஒரு பக்கம் இருந்தாலும் முறித்த சத்தியத்திற்கான பரிகாரத்தை செய்யாமல் இருப்பது மிகப்பெரிய பாவம் என்பதும் உங்களுக்கு தெரியாமல் இருக்காது ! உங்களின் சத்திய முறிவுக்கான பரிகாரத்தை இதோ அல்குர்ஆன் கூறுகிறது பாருங்கள்! ஏதாவதொன்றை உறுதிபடுத்து வதற்காகச் செய்யும் சத்தியத்திற்காக (அவற்றில் தவறினால்) அல்லாஹ் உங்களை பிடிப்பான். எனவே (சத்தியத்தை முறித்தால்) அதனுடைய பரிகாரமாவது உங்கள் குடும்பத்தினருக்கு நீங்கள் கொடுக்கும் உணவில் நடுத்தரமானதிலிருந்து பத்து ஏழைகளுக்கு உணவளிப்பதாக இருக்கும். அல்லது பத்து ஏழைகளுக்கு உடுத்த உடை கொடுப்பதாயிருக்கும். அல்லது ஓர் அடிமையை உரிமை விடுவதாயிருக்கும். ஆனால் எவர் இம்மூன்றில் எதனையும் செய்ய சக்தி பெற்றுக் கொள்ளவில்லையோ? அப்போது மூன்று நாட்கள் நோன்பு (வைப்பது பரிகாரம் ஆகும்) இது தான் உங்களுடைய சத்தியங்களுக்கு அவற்றை நீங்கள் முறித்தால் பரிகாரமாகும். ஆகவே உங்களுடைய சத்தியங்களைப் பேணி காத்துக் கொள்ளுங்கள். (அல்குர்ஆன் 5:89) இவ்வளவு பெரிய விஷயத்தை சடாரென உதறிவிட்டு நாளை மறுமையின் விளைவுகளை பற்றி கொஞ்சமும் யோசிக்காமல் இவ்வுலக அரசியல் பதவிகளுக்காக ஆசைப்பட்டு இறையருளை இழக்க துணிந்திருப்பது எவ்வகையில் நியாயம்? இதை உங்களில் ஒருவன் என்ற சகோதர உரிமையோடு கேட்கிறேன். அரசியல் என்னும் சாக்கடைக்குள் மூழ்கியதும் உங்களின் அணுகுமுறைகளை கொஞ்சம் யோசித்து பார்த்தீர்களா? உங்களது 16 வருட பொது சேவைக்குரிய நற்கூலி வெறும் ஒரேயொரு சீட் ஒதுக்கீடு மட்டுமே! இப்போது அதற்கும் வழி இல்லாமல் போய் விட்டது. நான் கூறுவது நீங்கள் எடுத்த திமுகவுடனான கூட்டணி பேச்சு வார்த்தையைப் பற்றி! உங்களின் கண்ணியத்தையும், செல்வாக்கையும் திரைப்பட நடிகர் சரத்குமாரிடம் நீங்கள் நடத்திய கூட்டணி பேச்சு வார்த்தையின் போதே தமிழக முஸ்லிம் சமுதாயம் நன்கு தெரிந்து கொண்டது! உங்கள் கட்சியின் வலிமையை தெரிந்து கொண்ட சரத்குமார் உங்களுடன் கூட்டணியே வேண்டாமென்று தலை தெறிக்க ஓடியதையும் மக்கள் நன்கறிவர். இவ்வளவு அவமானங்களும் உங்களுக்கு ஏன் எதனால் ஏற்பட்டது? இறைவன் மீது செய்த சத்தியத்தை கேவலம் அரசியலுக்காக முறித்துக் கொண்டதால் வந்த வினையால் தான்! தமுமுகவினரின் பொது சேவைக்குரிய நற்கூலியை அரசியல் மூலம் பெறுவதைவிட நாளை மறுமையில் இறைவனிடம் பெறுவதுதான் உயர்வு! இப்போதும் கெட்டு விடவில்லை உடனடியாக உங்கள் கட்சியை கலைத்து விட்டு நீங்கள் செய்த சத்தியத்திற்கு உயிர் கொடுக்கும் வகையில் தேர்தலில் இருந்து விலகி கொள்ளுங்கள். மீண்டும் தமுமுகவின் மூலமே பொது சேவைகளுக்கு முன்னுரிமை கொடுப்போம் என்ற லட்சியப் பயணத்தை தொடருங்கள். அரசியல் எனும் சாக்கடைக்காக இறையருளை இழக்க வேண்டாம் என மிகவும் அன்புடனும் அக்கறையுடனும் கேட்டுக் கொள்கிறேன்.

அன்புடன்
மெளலவி கீழை ஜஹாங்கீர் அரூஸி
துபை

நோயில்லா உலகம் படைப்போம்

நோயில்லா உலகம் படைப்போம்
வழி காட்டும் சீன மருத்துவம்


இன்று நம்மில் பல்வேறு நபர்கள் நோயினால் அவதிப்பட்டு, ஆங்கில மருந்துகளின் பின்விளைவுகளாலும் மற்றும் அதற்கு சிகிற்சை அளிக்க போதிய வருமானமில்லாது இறந்து போகும் நிலமையையும் நாள்தோறும் கண்டுவருகிறோம்.

இதற்கெல்லாம் விடைகொடுக்கும் விதமாக, எளிமையான எந்த பக்க விளைவுகளுமின்றி நாடி முறைப்படி நோயறிந்து அதற்கு தகுந்த முறையில் அக்குபஞ்சர் சிகிற்சை அளித்து பூரண குணப்படுத்தி வருகிறோம். நோயாளிக் கூறாமலேயே அவர்களது உடலில் உள்ள நோய்களை பட்டியலிட்டு கூற இயலும் சீனாவிலிருந்து இறக்குமதி செய்யப்பட்ட சிறப்புக் கருவியின்மூலம். பின் கண்டறியப்பட்ட நோய்களுக்குத் தகுந்த முறையில் சிகிற்சையும் அளிக்கிறோம்.

ஒருவரது உணவுப்பழக்கமும், உடல்பயிற்சியும், நல்ல தூக்கமும் நல்ல ஆரோக்கியத்திற்கு அடிப்படை. ஐவேளை தொழும்பொழுது மனதை ஒருமுகப்படுத்தி கட்டுபடுத்தவும் முடியும். சரியான வேளையில் தொழுகையை நடத்த கூறுவதுபோல், சரியான வேளையில் உணவையும் உட்கொள்ளவேண்டும். அப்போது நாம் சந்திக்கும் பற்பல நோய்களிலிருந்தும், விடுபடலாம் இன்ஷா அல்லாஹ். இது மிகவும் இன்றியமையாதது.

மேலும் அதிக விபரத்திற்கு அல்லது அக்குபஞ்சர் சிகிற்சைக்கு தொடர்பு கொள்ளவும் >

மருத்துவர் சாதிக் > 09443389935

"தாருல்ஸஃபா அக்குபஞ்சர் சிகிற்சை நிலையம்" > நாகர்கோவில்.

சிகிற்சையின் போது தகுந்த ஆலோசனைகளும் அளிக்கப்படும். அப்போது மீண்டும் நோய் வருவதிலிருந்து உங்களைப்பேணி பாதுகாத்துக் கொள்ளலாம். BP, Diabetics-ற்கு தொடர்ந்து மருந்து சாப்பிடத் தேவையில்லை. இம்மருத்துவம் செய்வதன்மூலம் முழுமையாக அந்த மாத்திரைகளை நிறுத்தி சிறந்த உடல்நலத்தோடு வாழலாம். BP மற்றும் Diabetics-ற்கு தொடர்ந்து மாத்திரை சாப்பிடுவதன்மூலம் இறுதியில் சிறுநீரகத்தை இழக்க நேரிடும் என்பதையும் மறவாதீர்கள்.

உங்களது இடத்தில் ஒருநாள் இலவச அக்குபஞ்சர் விழிப்புணர்வு முகாம் நடத்தவும் மேற்குறிப்பிட்ட எண்ணில் தொடர்பு கொண்டு தேதியைப் பெற்றுக்கொள்ளலாம் இன்ஷா அல்லாஹ். எல்லோரும் நலமுடன் வாழ வேண்டும் என்பதே எங்களது ஆவல்; நோயற்ற உலகம் படைப்போம் இன்ஷா அல்லாஹ்.

அன்புடன்,
தாருல்ஸஃபாவிலிருந்து மருத்துவர் சாதிக்.
Mobile: 09443389935.

அமீர‌க‌த்தில் இஸ்லாம் குறித்த‌ ச‌ந்தேக‌ங்க‌ளுக்கு தொலைபேசி வ‌ழியே தீர்வு

அமீர‌க‌த்தில் இஸ்லாம் குறித்த‌ ச‌ந்தேக‌ங்க‌ளுக்கு தொலைபேசி வ‌ழியே தீர்வு

அமீர‌க‌த்தில் இஸ்லாமிய‌ விவ‌கார‌த்துறை இஸ்லாம் குறித்த‌ ச‌ந்தேக‌ங‌களை தொலைபேசி, குறுந்த‌க‌வ‌ல் ( எஸ்.எம்.எஸ்) உள்ளிட்ட‌ ஊட‌க‌ங்க‌ள் வ‌ழியே தீர்வு கிடைக்கும் வ‌ண்ண‌ம் ஏற்பாடு செய்துள்ள‌து.

தொலைபேசி வ‌ழியே இல‌வ‌ச‌மாக‌ 800 24 22 எனும் எண்ணில் காலை எட்டு ம‌ணி முத‌ல் இர‌வு எட்டு ம‌ணி வ‌ரை ஞாயிறு முத‌ல் வியாழ‌ன் வ‌ரை அர‌பி, ஆங்கில‌ம் ம‌ற்றும் உர்தூ ஆகிய‌ மொழிக‌ளில் தொட‌ர்பு கொள்ள‌லாம்.

குறுந்தக‌வ‌ல் ( எஸ்.எம்.எஸ் ) மூல‌ம் 200 வார்தைக‌ளுக்கு மிகாம‌ல் அனுப்ப‌ வேண்டும். மேல‌திக விப‌ர‌ங்க‌ளுக்கு www.awqaf.ae எனும் இணைய‌த்த‌ள‌த்தின் மூல‌ம் அறிந்து கொள்ள‌லாம்.

விளையாட்டுப் பள்ளிகளில் சேர இலவச விண்ணப்பம் வினியோகம்

விளையாட்டுப் பள்ளிகளில் சேர இலவச விண்ணப்பம் வினியோகம்

தமிழகத்தில் உள்ள 18 விளையாட்டுப் பள்ளிகளில் சேர்வதற்கான விண்ணப்பங்கள் அப்பள்ளிகளில் இலவசமாக வழங்கப்படுகின்றன.

தமிழ்நாடு விளையாட்டு மேம்பாட்டு ஆணையம் வெளியிட்டுள்ள செய்திக் குறிப்பு :

தமிழ்நாடு விளையாட்டு மேம்பாட்டு ஆணையம் தமிழகத்தில் 18 இடங்களில் விளையாட்டுப்பள்ளி விடுதிகள் மூலம் இளம் விளையாட்டு வீரர், வீராங்கனைகளை ஊக்கப் படுத்தி வருகிறது.

இவற்றில் 860 மாணவ மாணவிகள் கல்வியுடன் நவீன விளையாட்டுப் பயிற்சியும் பெற்று வருகின்றனர்.

வரும் 2009-10 ம் ஆண்டிற்கான புதிய மாணவ மாணவிகள் தேர்வு 385 ஊராட்சி ஒன்றியங்களில் வரும் 27ம் தேதி முதல் அடுத்த மாதம் 8ம் தேதி வரை நடக்கிறது.

இதற்கான விண்ணப்பங்கள் அனைத்து விளையாட்டுப் பள்ளிகளிலும் இலவசமாகக் கிடைக்க ஏற்பாடு செய்யப் பட்டுள்ளது.

சம்பந்தப்பட்ட மாவட்ட விளையாட்டு அலுவலர்கள் இடம் மற்றும் கால அட்டவணையை வெளியிட்டுள்ளனர்.

ஊராட்சி ஒன்றிய அளவில் தேர்வு பெறும் அனைத்து மாணவ மாணவிகளுக்கும் வரும் மே மாதம் 9,10ம் தேதிகளில் மண்டல அளவிலான தேர்வுகள் திருச்சி, திருவண்ணாமலை, மதுரை, ஈரோடு ஆகிய இடங்களில் நடக்கும்.

மாணவர்களுக்கு மாநில அளவிலான தேர்வுகள் திருச்சியில் மே மாதம் 18ம் தேதி முதல் 27ம் தேதி வரை நடக்கும்.

மாணவிகளுக்கு எல்லா விளையாட்டுகளுக்குமான மாநில அளவிலான தேர்வுகள் திருவண்ணாமலையில் மே மாதம் 20ம் தேதி முதல் 23ம் தேதி வரை நடக்கும்.

இவ்வாறு செய்திக் குறிப்புகள் கூறப்பட்டுள்ளது.

நன்றி : தினமலர் ( 22 ஏப்ரல் 2009 )

அல்லாஹ்வின் உதவிப்படை

அல்லாஹ்வின் உதவிப்படை

அர்ரஹ்மானைத் தவிர உங்களுக்கு (உதவிப்) படையாக இருந்து உங்களுக்கு உதவி செய்கின்றவர் யார்?

அல்குர்ஆன் 67:20

“ஸுரத்துல் முல்க்” என்ற அத்தியாயம் இறைவனது ஆட்சியின் வல்லமையை விவரிக்கிறது. ஓர் உருதுக் கவிஞன் நான் இவ்வுலகை வலம் வந்தேன். இவ்வுலகம் அழகானது. அருமையானது. நேர்த்தியானது. ஆனாலும் கவலையற்ற ஒரு மனிதனையும் நான் காணவில்லை என்று கூறுகிறான். வயிற்றுக்குச் சோறில்லை. கூழுக்கு உப்பில்லை என வறுமையில் வாடுபவரும் மூக்கு முட்ட சாப்பிட்டதால் வயிற்றுக்குச் சரியில்லை, பாலுக்குச் சர்க்கரை இல்லை என வருந்துவோரும் உலகத்தில் இல்லாமலில்லை. பெருந் துன்பங்கள் இழப்புகள் சோதனைகள் ஏற்படும்போது மனிதன் துவண்டு விடுவதுண்டு. தன்னிலை இழந்து தவிப்பதுமுண்டு. ஆனால் ஒன்று மட்டும் உண்மை. இறைவன் தாங்க முடியாத சுமையை மனிதன் மீது சுமத்துவதில்லை. மாறாக அவனை முழுமையாக நம்பும் நல்லடியாருக்கு அவன் பல வழிகளில் உதவி செய்கிறான் என்பதை உணர்ந்து கொண்டு தன்னம்பிக்கையோடு செயல்பட்டு, விடாது தொடர் முயற்சி மேற்கொள்ளும் போது அவன் உதவியாக இருந்து வெற்றிப் பாதையில் அழைத்துச் செல்கிறான் என்பதே இவ்வசனத்தின் உட்கருத்தாகும்.
வானம் பூமி அனைத்தையும் படைத்து மனிதனுக்கு வசமாக்கிக் கொடுத்தவன் யார்? புசிக்க ஆகாரம், அருந்த நீர், சுவாசிக்க காற்று, மிகுந்த ஞானம் இவற்றை அளித்தவன் யார்? மனிதன்பால் மிக்க அருளும் அன்பும் கொண்ட அல்லாஹுத்தஆலா அன்றோ? மனிதனின் வேதனையின் போதும் சோதனையின் போதும் உதவுபவனாக அவனின்றி யாருளர்? என ஆணித்தரமாக வினாக்கள் எழுப்பி அவற்றிற்கு விடையளிக்கும் வகையில் இவ்வசனத்தை இறக்கியருளினான். அல்லாஹ்வின் உதவிப்படைகளைப் பெற நம்மை நாம் தகுதியாக்கிக் கொள்வது நம் கடமை.

ந‌ன்றி : ந‌ர்கிஸ் ( டிசம்ப‌ர் 2008 )

இதனையும் தெரிந்து கொள்ளுங்கள்.. பேச்சுக்கலை

இதனையும் தெரிந்து கொள்ளுங்கள்.. பேச்சுக்கலை


'வாய் இருந்தால் வங்காளம் போகலாம்" என்பது கிராமப்புறங்களில் சொல்லப்படுகின்ற ஒரு பேச்சு வழக்குச் சொல். உலகில் உள்ள ஜீவராசிகளில் பேசத் தெரிந்தவன் மனிதன் மட்டும் தான். பேச்சு என்பது ஒரு சிலருக்கு கை வந்த கலை. பலருக்கோ அது ஒரு வதை. உண்மையில் நன்றாகப் பேசத்தெரிந்தவன் இந்த உலகில் எந்த மூலைக்கு சென்றாலும் பிழைத்துக் கொள்வான் அல்லது உழைத்துக்கொள்வான் என்பதினை மேற்கொள் காட்டுவது தான் அந்த முதுமொழி. இதை இன்னொரு வகையில் "வாய் உள்ள பிழைத்துக்கொள்ளும்" என்று கூட சொல்வார்கள். ஊமையாய் இருக்கின்றவர்கள் கூட சைகை மொழியில் தங்களுக்கு ஏதாவதொரு வகையில் பேசிக் கொள்கின்றனர்.


உயிர் வாழ்வதற்கு மூச்சு எவ்வளவு முக்கியமானதோ அது போல் பேச்சும் முக்கியமானது. வாய் இருக்கின்றது என்பதற்காக நாம் எல்லாவற்றையும் பேசக்கூடாது. நமது வாயிலிருந்து வரும் ஒவ்வொரு வார்த்தைகளும் நிதானமாக இருக்க வேண்டும். ஒரு சிற்பி எவ்வளவு நுணுக்கமாக ஒரு சிலையை செதுக்குகின்றானோஇ அவ்வளவு நுணுக்கமாக நாமும் வார்த்தைகளை தெரிந்து தெளிந்து பேச வேண்டும். அப்போது தான் பிறர் நமக்கு மதிப்பும் மரியாதையும் தருவார்கள். பொருட்களை சிந்திவிட்டால் அள்ளி விடலாம். வார்த்தைகளை வீசி விட்டால் அள்ள முடியாது.


உங்கள் பேச்சு மற்றவரை இழிவு படுத்துவதற்காக மட்டும் இருக்கக்கூடாது. முடிந்தால் உங்கள் பேச்சு மூலம் மற்றவரை திருத்தப்பாருங்கள். உங்கள் பேச்சைக் கேட்டு நான்கு பேர் திருத்துவார்களாக இருந்தால் அதுவே உங்கள் வாழ்க்கைக்கு கிடைத்த வெற்றியாகும். சிலர் இருக்கிறார்கள் எந்நேரமும் ஓயாமல் எதையாவது பேசிக் கொண்டே இருப்பார்கள். இவர்களை கண்டால் பலர் தள்ளியே நிற்பார்கள். பேசியே கழுத்துறுப்பவர் வருகிறார் என ஓட்டம் பிடித்து விடுவார்கள்.


சிலர் பேசுவதை கேட்பதற்கே அருமையாகவும் இனிமையாகவும் இருககும். இன்னும் ஒரு முறை இவர் பேசமாட்டாரா? என அவரது பேச்சு நம்மை ஏங்க வைக்கும். அந்தளவிற்கு அவருடைய பேச்சானது மகிமை மற்றும் மதிப்பு இருக்கும். பேசுவதை நிதானமாகவும் அதே சமயத்தில் அமைதியாகவும் தெளிவாகவும் பேசக்கூடிய ஒரு சிலர் இருப்பர்கள். நம்முடைய பேச்சு மற்றவருக்கு புரியும் படியும் பேசக்கூடிய ஒரு சிலர் இருப்பார்கள். மற்றும் ஒரு சிலர் இருப்பார்கள் அவர்கள் என்ன பேச வருகிறார்கள் என்ன சொல்ல வருகிறார்கள் என்று அவருக்கே புரியாது மற்றவருக்கு என்ன புரிய வைக்க போகிறார்கள் என்பதும் தெரியாது.


ஆகையால் நம்முடைய பேச்சானது நன்றாக இருக்க வேண்டும் என்பவர்கள் சில முறைகளை பின்பற்ற வேண்டும். பேச்சுக்கலை பற்றிய ஆய்வாளர்கள் எப்படி பேச வேண்டும் என்பதைப் பற்றி ஆராய்ந்து தெரிவித்துள்ள கருத்துக்கள் இதோ:


ஒருவர் பேசும் போது எளிமையாக இனிமையாக பேச வேண்டும் அதாவது எல்லோருக்கும் விளங்கக்கூடியதாக அப்பேச்சு அமைய வேண்டும்.


என்ன விடயத்தை பற்றி பேசப்போகின்றோம் என்பதை பற்றி நீங்கள் முன் கூட்டியே தெரிந்து வைத்திருத்தல் வேண்டும். ஏனெனில் எதைப் பேசப்போகின்றோம் என்பதை முன் கூட்டியே தெரிந்து வைத்திருத்தல் வேண்டும். அதிகமாக பேசாமல் இரத்தினச் சுருக்கமாக நறுக்கென்று பேச வேண்டும். மணிக்கணக்கில் பேச்சை இழுத்துக்கொண்டு போகக்கூடாது. அப்புறம் எதிரே உள்ளவர் துங்குவதற்கு தலையணையினை தேட வேண்டும்.


என்ன பேச போகின்றோம் என்பதினை முன் கூட்டியே தெரிந்து வைத்து அதனை பேச வேண்டும். பேச்சில் தடுமாற்றம் இல்லாமலும் தடங்கல் இல்லாமலும் பேச வேண்டும்.


உண்மையைப் பேச வேண்டும். எப்போதும் பேசும் போது யதார்த்தை உணர்ந்து நடைமுறை வாழக்கையில் உண்மைத்தன்மையை தெளிவுபடுத்திப் பேச வேண்டும்.


எதிரில் உள்ளவர்களை கவரக்கூடிய வகையில் பார்த்து பேச வேண்டும். கூட்டத்தில் எல்லோரையும் பார்த்து பேசுவது என்பது கடினம். அதனால் எதிரில் இருப்பவர்களில் ஒரு சிலரையாவது அடிக்கடி பார்த்துப் பேசுங்கள். அவர்களது முகபாவனையை வைத்து உங்கள் பேச்சு எப்படி உள்ளது என்பதை நீங்கள் ஊகித்துக் கொள்ள முடியும். அதற்கேற்ப பேசவும் முடியும்.


எழுதி வைத்துப் படிக்கக்கூடாது. மேடையில் பேசும் போது எழுதி வைத்து வாசிப்பதைப் போல படிக்கக்கூடாது. அது மற்றவரையும் உங்களையும் சங்கடத்திற்குள் தள்ளி விடும். ஏனெனில் எழுதியதை படிக்கும் போது நாம் என்ன சொல்ல வருகிறோம் என்பது வாய்பேச்சு வார்த்தைகளாக வராமல் எழுத்து வாக்கியங்களாக வரும். ஆகையால் அதில் கவனம் தேவை.


மூச்சை நன்றாக இழுத்து விடுதல் வேண்டும். மேடையில் போய் நின்றதும் உங்கள் மூச்சை ஒரு முறை நன்றாக உள் இழுத்து மெதுவாக விட்டு விடுங்கள். அது உங்கள் பயத்தையும் பதற்றத்தையும் தணிக்கும்.


மேற் சொன்ன குறிப்புகளை நாம் மேற்கொண்டு பயிற்சியினை மேற்கொண்டால் நிச்சயம் நீங்களும் ஒரு மேடைப் பேச்சளார் ஆகலாம் என்பது ஆய்வாளர்களின் கருத்தாகும்.


இப்போது நடைமுறை வாழக்கைக்குகள் திரும்புவோம். பேச்சு பேச்சாக இருக்க வேண்டும் என்பார்கள். இதன் அர்த்தம் நாம் பேசியது உண்மையாக இருக்க வேண்டும். அதனை செயற்படுத்தியும் காட்ட வேண்டும் என்பதாகும். வெறுமனை பேசிவிட்டு போவதினால் பயன் இல்லை பேசியதை செயற்படுத்திக்காட்ட வேண்டும். அப்போது தான் நமக்கு சமூகத்தில் மதிப்பும் மரியாதையும் கிடைக்கும். சொல்வது ஒன்று செய்வது ஒன்றாக இருக்கக்கூடாது.


இப்போது மனிதர்கள் மற்றவர்களிடம் மனம் விட்டு பேசுவது என்பது குறைவாக போய் விட்டது. மனிதர்கள் ஒருவருக்கொருவர்கள் மனம் விட்டு பேசினாலோ ஆயிரம் பிரச்சனைகள் தீர்ந்து விடும். அவரவர்கள் பேசாமல் இருக்க இருக்கத்தான் பிரச்சனைக்ள் அதிகரிக்கின்றது. மனைவி கணவனிடமும்இ தாய் தன் பிள்ளைகளிடமும் கலந்துப் பேசி ஒரு முடிவுக்கு வர வேண்டும். அந்த முடிவும் நல்ல முடிவாக இருக்க வேண்டும்.


ஒருவரோடு பேசும் போது அன்பாகவும்இ மெதுவாகவும் பேசுங்கள். அவரிடமுள்ள நல்ல குணங்களை மட்டுமே எடுத்துக்காட்டி பேசுங்கள். அவரது குறைகளை நேரடியாக சுட்டிக்காட்டி பேசாமல் நீங்கள் இருந்தால் நிச்சயம் நன்றாக வருவீர்கள். உங்களிடம் நிறையத் திறமைகள் இருக்கின்றன. வாழ்க்கையில் நீங்கள் முன்னேற இடம் உண்டு என உங்களுக்குள்ளே பேசிப்பாருங்கள். உங்கள் பேச்சைக் கேட்டு அவர் பெட்டிப்பாம்பாக அடங்கி விடுவார். முன்பை விட உங்கள் மீது மதிப்பும் மரியாதையும் அதிகமாக வைத்திருப்பார். இது தான் உங்கள் பேச்சின் சக்தி.


தூரத்தில் இருக்கும் ஒருவரை பார்த்து “எப்படி செளக்கியமா?” என தொண்டை கிழிய கத்திக் கேட்பதற்கும் அவர் அருகே சென்று கையையோஇ தலையையோ தடவிக் கொடுத்தவாறு “எப்படி செளக்கியமா இருக்கின்றீர்களா?” என மெதுவான குரலில் கேட்பதற்கும் எவ்வளவோ வித்தியாசம் இருக்கின்றது. இந்த இனிமையான பேச்சின் அன்பைத்தான் எல்லோரும் உங்களிடம் எதிர் பார்ப்பது.


எனவேஇ பேசுங்கள் சக மனிதனோடு மனம் விட்டு இனிமையாக பேசுங்கள். உங்களை சூழ்ந்திருக்கும் மனச்சுமைகள் நீங்கும். குடும்ப உறுப்பினர்களுடன் நன்றாக கலந்து பேசுங்கள். மனம் விட்டு பேசுங்கள். அதுவே பல பிரச்சனைகளுக்கு தீர்வாக அமையும். உங்கள் வாழ்க்கையினை பற்றி பேசுங்கள். உங்களுக்கு நல் வழிக்காட்டும் எதிர் கால திட்டத்தினை பற்றி பேசுங்கள். அது உங்களை நல் வழிப்படுத்தும். அன்பினை பற்றி பேசுங்கள். அது உங்கள் உள்ளத்தில் பூரிப்பை ஏற்படுத்தும். எப்போதும் நல்லதை பற்றி பேசுங்கள் அது உங்களுக்கு நல்லதாக அமையும்.


“ஒவ்வோர் ஆத்மாவும் நன்மையில் தான் செய்தவற்றையும்இ தீமையில் தான் செய்தவற்றையம் தன முன் ஆஜராக்கப்பட்டதாகப் பெறும் (அந்) நாளில்இ அதுஇ தான் செய்தவைகளுககும்இ தனக்கும் மத்தியில் வெகுதூரம் இருந்திருக்க வேண்டுமே என விரும்பும். அன்றியும்இ அல்லாஹ் தன்னைப் பற்றி (அவனது தண்டணையை நினைவு கூறுமாறு) உங்களை எச்சாிகை செய்கிறான்இ இன்னும் அல்லாஹ் (தன்) அடியார்கள் மிது மிக்க இரக்கமுடையவன்’’.


அல்குர்ஆன் 3:30


மனித குலம் அனைத்திற்கும் வழிகாட்டியாக இருந்த முஹம்மது நபி (ஸல்) அவர்கள்இ “உங்களைப் போன்று வேகமாக பேசிக்கொண்டு செல்லமாட்டார்கள். அவர்கள் எவ்வாறு பேசுவார்களெனில்இ எண்ணிக்கணக்கிடக்கூடியவர்இ அப்பேச்சை எண்ணினால் அது இத்தனைச் சொற்களைக் கொண்டதுதான் என்று வரையறுத்திட முடியும்.


அறிவிப்பாளர் : ஆயிஷா (ரலி) ஆதாரம் : புகாரிஇ முஸ்லிம்இ மிஷ்காத்


அண்ணலாரின் நாவு ஆபாச வார்த்தை முழங்குவதை விட்டும் ஏசிப் பேசவதைவிட்டும் தூய்மையாக இருந்தது. கோபம் கொண்டு கண்டிக்கும் சந்தர்ப்பத்தில் “இவருக்கு என்ன நேர்ந்துவிட்டது. இவரது நெற்றியில் மண்படட்டும் என்று மட்டும் கூறுவார்கள். அத்துடன் அண்ணலார் அவர்கள் கடுகடுப்பானவராகவோஇ சதா முகத்தை “உம்” என்று வைத்துக் கொண்டவராகவோ இருந்ததில்லை. பேச்சுக்கு பேச்சு நாற்புறமும் எதிரொலி்க்கும் வகையில் ஓசையுடன் சிரிப்பவராகவும் இருந்ததில்லை. மாறாகஇ இதில் நடுத்தரமான நடத்தையை மேற்கொண்டிருந்தார்கள்.






நன்றி : இலங்கை வார இதழ் – வீர கேசரி


தொகுப்பு : முத்துப்பேட்டை – அபூ ஆஃப்ரின்

சுற்றுலா பயணிகளை அதிகம் கவரும் அமீரகத்தின் ஃபுஜைரா மாகாணம்.

சுற்றுலா பயணிகளை அதிகம் கவரும் அமீரகத்தின் ஃபுஜைரா மாகாணம்.

ஐக்கிய அமீரகத்தின் வட மாகாணங்களில் ஒன்றாகவும், அமீரக கடல் மார்க்கத்தின் முதல் நுழைவு வாயிலாகவும், துபை நகரிலிருந்து சுமார் 135 கிலோ மீட்டர் துரத்தில் இருக்கும் ஃபுஜைரா தற்போது அதிகமதிகமாக சுற்றுலா பயணிகளை கவரும் விதத்தில் உள்ளது.

மலைகள் சூழ்ந்த ஒரு ரம்மியமான இயற்கையான அழகு சூழ்நிலையில் ஃபுஜைரா மாகாணம் இருப்பதால் அதனை காண பல வெளிநாட்டு பயணிகள் வந்துக்கொண்டு இருக்கிறார்கள். துபை நகருக்கு வரும் பல வெளிநாட்டு பயணிகள் அனைவரும் ஃபுஜைரா செல்ல வேண்டும் என்று விரும்புவதால், அங்கிருந்து கனரக வாகனங்களிலும் மற்றும் மென்ரக வாகனங்களிலும் இங்கு வந்து போகிறார்கள். அவர்கள் அங்கிருந்து வரும் போதே மலைகள் சூழந்த ஃபுஜைராவின் அழகினை ரசித்துக்கொண்டே வருகிறார்கள்.

இங்குள்ள துறைமுகத்திற்கு வெளி நாட்டு பயணி கப்பல்கள் முன்பு எப்போது இல்லாத அளவிற்கு அதிகம் வந்துக்கொண்டு இருக்கிறது என்பதினை துறைமுக பொறுப்பாளர்கள் கூறுகிறார்கள். அத்துடன் இத்துறைமுகத்தின் அனைத்து பணிகளையும் செய்யும் பொறுப்பினை துபை துறைமுக பொறுப்பு கழகம் (Dubai Port Authority) பல ஆண்டுகள் என்ற ஒப்பந்த அடிப்படையில் எடுத்துக்கொண்டுள்ளது. ஆகையால் கப்பல் வாணிபங்களும் அதிகரித்து விட்டது என்றும் அவர்கள் கருத்து தெரிவித்தனர்.

ஃபுஜைரா நகரின் மைய பகுதியில் பழங்கால அருட்காட்சியகமும் ஒன்றும், அதனை சுற்றி பழங்கால கோட்டை ஒன்றும் உள்ளது. இந்த அருட்காட்சியகத்தில் அரேபியர்கள் பழங்காலத்தில் பயன்படுத்திய அரியபொருட்களும் மற்றும் அதனை பற்றிய தகவல்களும் உள்ளன. சுற்றுலா பயணிகளுக்கு தேவையான அனைத்து தகவல் அடங்கிய கையடக்க நூல் இங்கு உள்ளது. இந்த இடமும் சுற்றுலா பயணிகளை மிகவும் கவர்ந்து உள்ளது.

ஃபுஜைரா - கொர்பகான் - திப்பா செல்லும் சாலை வழியில் "அல்பித்யா" என்ற கடற்கரை கிராமத்தில் கி.பி. 1446 வருடம் கட்டப்பட்ட புராதன பள்ளிவாசல் மிக முக்கியமான சுற்றுலா தலமாக விளக்குகிறது. இந்த பள்ளி வாசல் கட்டப்பட்டு ஏறக்குறைய 562 வருடங்கள் ஆகி விட்டது என்பதினை அங்குள்ள துபை அரசாங்கத்தின் அகழ்வாராய்ச்சி கல்வெட்டானது நமக்கு தெரிகிறது. இப்பள்ளியினை அக்கிராமத்தில் வாழ்ந்த மீனவர்களின் முஸ்லிம் தலைவர் ஒருவர் தொழுகைக்காக கட்டியதாக இக்கிராமத்தில் உள்ளவர்கள் கூறுகிறார்கள். பெண்கள் தொழுவதற்கும் தனியாக வசதியும் இங்கு செய்யப்பட்டுள்ளது. இதர மதத்தினர் அந்த பள்ளியின் புற பகுதியினை சுற்றி பார்க்கலாம். ஆனால் தொழுகை நடக்கும் இடத்திற்கு அனுமதி அளிப்பதில்லை. பள்ளியின் மற்றொரு புறத்தில் பழைமையான கோட்டையும் ஒன்றும் கட்டப்பட்டுள்ளது. அதன் மேல் ஏறி, அதன் துளைகள் வழியாக நம் கண்ணுக்கு எட்டிய தூரம் வரை பார்க்கலாம். அப்படி நாம் பார்க்கும் போது ஒரு பக்கம் கடலும், மற்றொரு பக்கம் மலைகளும், இன்னொரு பக்கம் இயற்கை நிலப்பரப்புகளையும் நாம் அழகாக ரசிக்கலாம். மற்றும் அதே பகுதியில் மலை அடிவாரத்திற்கு கீழ் நீரருவி ஒன்றும் மிக அழகாக உள்ளது. மலைக்கு அடியே இருப்பதால் அந்நீரானது மிகவும் குளிர்ச்சியாக இருக்கும். பல வெளிநாட்டினர் மற:றம் சுற்றுலா பயணிகள் வந்து அங்கு குளித்து விட்டு செல்கிறார்கள்.

அமீரகத்தின் மற்ற பகுதியிலிருந்து, கொர்பகான் கடற்கரை பகுதிக்கு மாலை நேரங்களில் பல குடும்பங்கள் சாப்பாடு செய்து சாப்பிடுவதற்கு வசதியாக பல சமையல் பொருட்களை கொண்டு வந்து விடுவார்கள். இவர்கள் இல்லம் திரும்பி செல்வதற்கு இரவு குறைந்தது 11 மணி ஆகிவிடும். அது வரை அவர்கள் அங்கு தான் குடும்பத்துடன் தங்கி ஜாலியாக இருப்பார்கள். கொர்பகான் பகுதியானது ஷார்ஜா அரசாங்கத்தின் கட்டுப்பாட்டில் உள்ளது என்பது குறிப்பிடத்தக்கது. அது போல் கல்பா என்ற கடற்கரை பகுதியிலும் பல சுற்றுலா பயணிகள் வந்து போகிறார்கள். அதுவும் ஷார்ஜா அரசாங்கத்தின் கட்டுப்பாட்டில் தான் உள்ளது. இருந்தாலும் இந்த சுற்றுலா தலத்திற்கு வருகை தரும் அனைத்து பயணிகளும் ஃபுஜைராவினை மாகாணத்தினை கடந்து தான் செல்ல வேண்டும். கல்பா - ஷார்ஜா தரை மார்க்கமாக செல்லும் பல பயணிகள் 30 கிலோ மீட்டர் சுரங்க வழி சாலைப்பாதையினையும் பார்த்து ரசித்து விட்டு செல்வார்கள்.

ஃபுஜைரா கடற்கரை பகுதியில் வெள்ளிக்கிழமை மாலை வேளைகளில் காளை மாட்டு சண்டையானது மிகவும் பிரபலமானது. இங்குள்ள அரேபியர்கள் வளர்க்கும் காளை மாட்டினை இங்கு கொண்டு வந்து ஒரு குறிப்பிட்ட நேரத்தில் சேர்ப்பார்கள். எந்த காளை மாடு பலம் வாய்ந்தாக இருக்கும் என்பதினை காளை மாட்டு சண்டையில் தெரிந்து விடும். அந்த மாட்டினை அதிகம் விலை கொடுத்து வாங்குவதற்கு மற்ற அரேபியர்கள் போட்டி போடுவார்கள். இதனை காண மற்ற நாடுகளிலிருந்து குறிப்பாக ஓமன், மஸ்கட் இங்கிருந்து பல பேர்கள் வருவார்கள். இதனை ஒலி ஒளி படம் எடுக்க பல வெளி நாட்டினர் வந்து விடுவார்கள்.

ஃபுஜைரா நகரானது, தற்போது துபை நகரில் கட்டப்பாட்டு வரும் பல அடுக்கு மாடி குடியிருப்பு கட்டங்களை போலவும், பல வசதிகளை கொண்ட வணிக வளாகங்களையும், உணவு விடுதிகளையும் கட்டும் பணிகளை மேற்கொண்டு வருகிறது என்பதினை பற்றி இங்குள்ளவர்கள் கருத்து தெரிவிக்கிறார்கள்.

தகவல் : முத்துப்பேட்டை – அபூ ஆஃப்ரின்

இளையான்குடி டூ திண்டுக்க‌ல் : ஒரு க‌ல்வி விழிப்புண‌ர்வு மாநாடு ( 05 மே 2009 )

இளையான்குடி டூ திண்டுக்க‌ல் : ஒரு க‌ல்வி விழிப்புண‌ர்வு மாநாடு ( 05 மே 2009 )

திண்டுக்க‌ல் ந‌க‌ர‌ அனைத்து ப‌ள்ளிவாச‌ல்க‌ளின் முத்த‌வ‌ல்லிக‌ள் & முக்கிய‌ஸ்த‌ர்க‌ள் கூட்ட‌மைப்பு க‌ல்வி விழிப்புண‌ர்வு மாநாட்டினை 05.05.2009 செவ்வாய்க்கிழ‌மை காலை 9 ம‌ணி முத‌ல் ப‌க‌ல் 1 ம‌ணி வ‌ரை திண்டுக்க‌ல் முஹ‌ம்ம‌தியாபுர‌ம் ஈதுஹா ம‌ஹாலில் ந‌டைபெற‌ இருக்கிற‌து.

மேற்ப‌டிப்பு, க‌ல்வி உத‌வித்தொகை ம‌ற்றும் வேலைவாய்ப்பு ச‌ம்ப‌ந்த‌மாக‌ ஆலோச‌னையினை இளையான்குடி டாக்ட‌ர் சாகிர் உசேன் க‌ல்லூரி வில‌ங்கிய‌ல் துறை பேராசிரிய‌ர் முனைவ‌ர் எஸ். ஆபிதீன் வ‌ழ‌ங்க‌ இருக்கிறார்.

இந்நிக‌ழ்வில் மாணாக்க‌ர்க‌ள் த‌ங்க‌ள‌து பெற்றோருட‌ன் க‌ல‌ந்து கொண்டு சிற‌ப்பிக்க‌ கேட்டுக்கொள்ள‌ப்ப‌டுகிறார்க‌ள். பெண்க‌ளுக்கும், மாண‌விய‌ருக்கும் த‌னி இட‌வ‌ச‌தி செய்ய‌ப்ப‌ட்டுள்ள‌து.

மேல‌திக‌ விப‌ரங்க‌ளுக்கு : 99768 58392 / 98940 57709

இந்நிக‌ழ்ச்சியினை த‌ங்க‌ள‌து ஊரிலும் ந‌ட‌த்த‌ விரும்புவோர் முனைவ‌ர் எஸ். ஆபிதீனை 99658 92706 எனும் அலைபேசியிலோ அல்ல‌து abideen222270@yahoo.com என்ற மின்ன‌ஞ்ச‌லிலோ தொட‌ர்பு கொண்டு விப‌ர‌ம் பெற‌லாம்.

த‌கவ‌ல் உத‌வி :
முனைவ‌ர் எஸ். ஆபிதீன் 99658 92706 ( abideen222270@yahoo.com )
திண்டுக்க‌ல் ஜாப‌ர் சாதிக் ( jabarsathik@yahoo.co.in )

கவிதை : கலைமறை முஹம்மதென்னும்.....

கவிதை

கலைமறை முஹம்மதென்னும்

காரணமே – காணுலகு!

( அமுதகவி அரசு அபிவைத்தாஜ் )



கலைமறை முஹம்மதென்னும்

காரணம் இல்லையாகில்

உலகுவிண் இரவி திங்கள்

ஒளிர் வுடுக்கணம் சுவர்க்கம்

மலை கடல் நதி பாதாளம்

வானவர் முதலாய் உம்மை

நிலையுற படைப்ப தில்லை

என் இறை நிகழ்த்தினானே…!



கலைமறை முஹம்ம தெங்கள்

காரணம் வந்ததாலே!

நிலையுற உலகம் யாவும்

நிலைத்துமே செழித்ததுவே!

பெருமானார் பிறப்பின் நோக்கம்

பெரும் பயன் தந்ததாலே!

அருமையாய் அகிலம் எல்லாம்

அற்புதம் கண்டதாமே!



பல்லாயிரம் நபிகள் வந்தும்

பயன் ஏதும் கிடைக்கவில்லை

எல்லோரும் இறைவன் தூதர்

என்றாலும் வெற்றி இல்லை!

வல்லோனின் இறுதித் தூதர்

வள்ளல் நபி வருகையாலே

தொல்லுலகின் துயரம் நீங்கி

தொடர்மகிழ் கிடைத்தது அன்றோ!



உலகத்தின் உயிர்கள் யாவும்

உத்தமரின் வருகையினாலே

நலம் பெற்று மகிழ்ந்ததிங்கே

வளம் தந்த வாகையினாலே!

ஆலத்தின் அருட்கொடையான

அனைவோர்க்கும் பொதுநபியாலே!

சீலத்தின் செழிப்பு எல்லாம்

காலத்தால் கனிந்தது அன்றோ!

மனித நேய விரோதிகள் யார்?

மனித நேய விரோதிகள் யார்?

(காயல் இளம்பிறையான்)
kayalpirai@gmail.com

இந்திய பாராளுமன்ற தேர்தல் களம் சூடுபிடித்திருக்கிறது. அனல் பறக்கும் பிரச்சாரங்கள், அறிக்கை போர்கள், வாக்குறுதி மழைகள் என தேர்தல் திருவிழா களைகட்டத் துவங்கிவிட்டது. இதில் தமிழக முஸ்லிம்களின் நிலை என்ன? என்பதை அலசுவதே இக்கட்டுரையின் நோக்கம்.

தமிழகத்தை மாறி மாறி ஆட்சிபுரியும் இருபெரும் திராவிட கட்சிகள் இம்முறையும் ஒரு முஸ்லிமுக்குக்கூட வாய்ப்பு வழங்காதது பெரும் ஏமாற்றத்தையும், வேதனையையும் தருகிறது. இதற்கு மூலகாரணம், முஸ்லிம்கள் பல்வேறு தலைமையின் கீழ் செயல்படுகிறார்கள் என்ற எண்ணம் அவர்களிடத்திலே மேலோங்கி இருப்பதுதான். இந்த எண்ணம் முறியடிக்கப்பட வேண்டும். இதற்கு முடியுமான எல்லா முயற்சிகளையும் எடுத்தாக வேண்டிய கடமையும், கடப்பாடும் இந்திய யூனியன் முஸ்லிம் லீகிற்கு உண்டு என நான் வலியுறுத்துகிறேன். இது எனது சொந்தக் கருத்தல்ல. நமது சமுதாயத்திலுள்ள நடுநிலையாளர்களின் கருத்தாக உருப்பெற்றிருக்கிறது.

பல நேரங்களில் சிறுபான்மையினருக்கு எதிரான கருத்துக்களை பகிரங்கமாக பேசி மக்களுக்கு மத்தியில் குழப்பத்தை விளைவித்துவரும் பா.ஜ.க-வைப் போலவே அ.தி.மு.க-வும் சில நேரங்களில் சிறுபான்மையினரை சீண்டி வருகிறது. உதாரணத்திற்கு ஒன்றிரண்டைக் குறிப்பிடலாம்.

1. பொது சிவில் சட்டம் வேண்டும், 2. ராமருக்கு அயோத்தியில் கோயில் கட்டாமல் வேறு எங்கு கட்ட வேண்டும்? 3. இந்தியாவில் இஸ்லாமியர்களுக்கு இடஒதுக்கீடு வழங்கினால் மதமோதல்களை உருவாக்கும் போன்ற பா.ஜ.க-வின் ஊதுகுழல் போல் இப்படிப்பட்ட அர்த்தமற்ற அபத்தமான கருத்துக்களை கூறி வருகிறது. எனவேதான் பி.ஜே.பி தமிழகத்திற்கு அவசியமில்லை. அதன் கொள்கைகளைத்தான் அ.தி.மு.க. பரப்பிவருகிறதே என அரசியல் விமர்சகர் சோலை அருமையாகக் குறிப்பிட்டுள்ளார்.

சிறுபான்மை இன விரோதப்போக்கை கடைபிடித்துவரும் அ.தி.மு.க. நாடாளுமன்ற தேர்தலில் தமக்கு சீட்டு தந்தால், தங்களின் கொள்கைகளை குப்பைக்கூடையில் போட்டுவிட்டு அதனைப்பெற பேரம் பேசும் பெருமைக்குரியவர்கள்தான் மனித நேய மக்கள் கட்சி என்பதை மக்கள் தெளிவாக அடையாளம் கண்டு கொண்டார்கள்.

மனிதநேயத்திற்கும் அவர்களுக்கும் மிகப்பெரிய இடைவெளி இருக்கிறது என்பதை மறைப்பதற்காகவே முஸ்லிம் என்ற பெயரை வைப்பதற்கு அஞ்சுகின்றனர். இவர்கள்தான் முஸ்லிம்களின் காவலர்களாம்!

சமுதாயத்தின் ஒற்றுமையை, கட்டுக்கோப்பை சிதைத்து உடைத்து சின்னாபின்னப் படுத்தியதுதான் அவர்கள் செய்த மகத்தான சாதனை. சமுதாயத்தை ஓரணியில் திரட்டுகிறோம் என்று புறப்பட்டவர்கள் தாங்களே பல அணிகளாக பிரிந்ததுதான் மிச்சம். தங்களுக்கிடையே திருட்டுப்பட்டங்கள் சூட்டி திருப்திப்பட்டுக் கொள்கிறார்கள். இவர்கள் சமுதாய வழிகாட்டிகளாம்! வெட்கமாயில்லை?

முழுக்க முழுக்க வஹ்ஹாபிசத்தை விதைத்துவரும் உங்களுக்கும் வக்ஃப் வாரியத்திற்கும் என்ன சம்பந்தம்? கோடிக்கணக்கான சொத்துக்கள் வக்ஃப் வாரியத்தில் உள்ளது என்பதை குறிவைத்துத்தானே அந்தப்பதவியை அடம்பிடித்து வாங்கி அனுபவித்து வந்தீர்கள்? இல்லை இல்லை அந்த வாரியத்தை நெறிபடுத்தி, ஒழுங்குபடுத்தத்தான் அதனைக்கேட்டுப் பெற்றோம் என்றால், அதனை கைகழுவியதன் காரணம் என்ன? உங்களை நோக்கி சமுதாயத்திலிருந்து புறப்பட்ட எதிர்கணைகள்தானே? நாமாகவே விலகிவிடுவதுதான் கௌரவம் என்றுதானே அதனை ராஜினாமா செய்தீர்கள்? சமுதாயம் தூங்கிக் கொண்டிருக்கிறது என்று இனியும் பகல்கனவு காணாதீர்கள்.

நீங்கள் யார்? எந்தப் போர்வையில் உலா வருகிறீர்கள் என்பதையெல்லாம் முஸ்லிம் லீக் தோலுரித்துக்காட்ட முனைந்து விட்டதால் என்னப்பேச்சு பேசுகிறோம் என்றுகூட சிந்திக்காமல் அநாகரீகமாக முஸ்லிம் லீக்கை பி.ஜே.பியோடு ஒப்பிட்டுப் பேசுகிறார் சகோதரர் ஜவாஹிருல்லாஹ். நாவடக்கம் வேண்டும். நாவு நரகத்தற்கு இழுத்துச்செல்லும் என்ற நபிமொழிக் கருத்தை நினைவுபடுத்த விரும்புகிறேன்.

பி.ஜே.பியைப் போலவே சமூக ஒற்றுமையை, மத நல்லிணக்கத்தை பாழ்படுத்துபவர்கள் என்று உங்களை நோக்கித்தான் மக்கள் கைநீட்டிப் பேசுகிறார்கள் என்பதை கவனத்தில்கொள்ள வேண்டுமாய் கேட்டுக் கொள்கிறேன்.

ஏதோ தமிழக முஸ்லிம்கள் உங்களைத்தான் ஆதரிக்கிறார்கள், முஸ்லிம் லீக்கை கைவிட்டுவிட்டார்கள் என்ற உங்களின் தவறான எண்ணம், அகங்காரம், ஆணவம் எல்லாம் உங்களை இந்தத்தேர்தலில் தலைகுணிய செய்துவிடும் என்பது மட்டும் திண்ணம். இன்ஷா அல்லாஹ்.

உங்கள் தலைமை நிர்வாகிகளை எடுத்துக்கொண்டாலும், செயற்குழு, பொதுக்குழு என்று எடுத்துக்கொண்டாலும் எல்லோரும் வஹ்ஹாபிச சாயலைக் கொண்டவர்கள்தானே? அப்படி இருக்க, நாங்கள்தான் ஒட்டுமொத்த தமிழக முஸ்லிம்களின் பிரதிநிதித்துவ அமைப்பு என்று உங்களால் எப்படி சொல்லமுடியும்? என்று நான் வினவ கடமைப்பட்டுள்ளேன். விடையுண்டா?


இடஒதுக்கீடை தி.மு.க. அரசு நடைமுறைப் படுத்தவில்லை என்று கூறி ஒரு கூட்டம் அ.தி.மு.க-வின் பக்கமும், இல்லை இல்லை கலைஞர்தான் இந்த மகத்தான இடஒதுக்கீட்டையே நம் சமுதாயத்திற்கு வழங்கினார் என்று ஒரு குழுவும் பிரிந்து நின்று பிரச்சார சண்டை போட்டுக் கொண்டவர்கள் இன்றைக்கு எந்தக் காரணத்தை சொல்லி எதிர்த்தார்களோ அவர்கள் தி.மு.க-வை ஆதரிக்க, நன்றி கெட்டவர்களாய் ஆதரித்தவர்கள் இன்றைக்கு தி.மு.க-வை எதிர்க்கிறார்கள். இந்த இரு பிரிவினரும்தான் சமுதாயத்தில் குழப்பத்தை ஏற்படுத்தி மஹல்லாக்களில், பள்ளிகளில் பிரிவினைகளை உருவாக்க முனைந்தவர்கள் என்பதற்கு தமிழகமெங்கும் உள்ள பள்ளிவாசல்களில் எழுதிப்போடப்பட்டுள்ள போர்டு – கரும்பலகைகளே போதிய ஆதாரமாகும்.

எனவே இவர்களை தமிழக முஸ்லிம்கள் மட்டுமல்ல, எல்லோரும் ஒன்றாக புறக்கணிப்பார்கள் என்பதில் முள்ளின் முனையளவும் சந்தேகமில்லை.

யுஏஇ த‌மிழ்ச்ச‌ங்க‌ நிக‌ழ்ச்சி புகைப்ப‌ட‌ங்க‌ள் ( 23 ஏப்ர‌ல் 2009 )

யுஏஇ த‌மிழ்ச்ச‌ங்க‌ நிக‌ழ்ச்சி புகைப்ப‌ட‌ங்க‌ள் ( 23 ஏப்ர‌ல் 2009 )

http://picasaweb.google.com/packven/FINAL?authkey=Gv1sRgCKSjvt_hv8zLrQE&feat=directlink

Why mother is so special

Why mother is so special


When I came home in the rain,

Brother asked why didn't you take an umbrella.
Sister advised, Why didn't you wait till rain stopped.
Father angrily warned, only after getting cold, you will realize.

But Mother, while drying my hair, said, stupid rain!
Couldn't it wait, Till my child came home?

That's MOM ...................