அபுதாபி அய்மான் சங்க தலைவருக்கு பிரிவு உபசார நிகழ்ச்சி
அபுதாபி :
அமீரத்தில் செயல்படும் தமிழக அமைப்புகளில் அய்மான் சங்கம் மிகத் தொன்மையும்
சிறப்பும் வாய்ந்த அமைப்பாகும். அமீரகத்திலும் தாயகத்திலும் அய்மான் அமைப்பின்
பணிகள் பெரும் வரவேற்பை பெற்றவை. அதனை நிறுவியவர்களுள் ஒருவரும் 1976 முதல்
சங்கத்தின் உறுப்பினரும் கீழக்கரை நர காஜியாரும் சங்கத்தின் இந்நாள் தலைவருமான
காதர் பக்ஸ் ஹாஜி M.A. அவர்கள் தனது 33 வருட அமீரக வாழ்வை, சமுதாயப் பணியை
நிறைவு செய்து தாயம் திரும்புகிறார்.
அன்னாரை பாராட்டி வழியனுப்பும் முகமாக ஜனவரி 1ம் தேதி (வெள்ளிக்கிழமை) அன்று
தலைநகர் அபுதாபி ஹம்தான் சாலையில் அமைந்திருக்கும் ருசி ரெஸ்டாரன்ட் பேன்குவெட்
ஹாலில் மாலை 7 மணிக்கு பிரிவு உபச்சார நிகழ்ச்சியை அய்மான் சங்கத்தினர் ஏற்பாடு
செய்துள்ளனர்.
அய்மான் புதிய தலைவர் அதிரை சாஹுல் ஹமீது M.Sc தலைமையில் இந்நிகழ்சி
நடைபெறுகிறது. சமுதாயப் புரவலர் நோபிள் ஹமீது ஹாஜியார் அவர்கள் முன்னிலையில்
நடைபெறும் இந்நிகழ்வில் அபுதாபி தமிழ் சங்கம், துபை ஈமான் சங்கம் மற்றும்
தொழிலதிபர்களும் பல்வேறு தமிழக மற்றும் கேரள அமைப்புகளின் பிரதிநிதிகளும்
அறிஞர்களும் பங்கேற்று சிறப்பிக்க உள்ளனர்.
அய்மானின் நிறுவனத் தலைவர்களான அப்துல் வஹ்ஹாப் ஹாஜியார், கனிமொழிக் கவிஞர்
ஷம்சுதீன் ஹாஜி, கல்லூரிச் செயலளார் செய்யது ஜாபர், தொழிலதிபர் பனியாஸ் ஹமீத்
ஹாஜி, ஈமான் சங்க பொதுச்செயலாளர் குத்தாலம் ஏ. லியாக்கத் அலி, பாடகர்
தேரிழந்தூர் தாஜுதீன் உள்ளிட்ட பலர் வாழ்த்துரை வழங்குகிறார்கள்.
